3 இடியட்ஸ்! ஷங்கர் குழப்பம்?

ஒரு வழியா ஷங்கரு எந்திரன ரிலீஸ் பண்ணிட்டு அடுத்த படமான 3 இடியட்ஸுக்குத் தயாராயிட்டாரு! நம்ம டாகுடருதம்பி விஜய் தான் ஒரு இடியட்டுங்றது எல்லாருக்கும் தெரியும். இப்போ படத்துக்கு சில சிக்கல்கள். மொதல்ல தமிழ்ல ஒரு நல்ல பேரு வெக்கனும் (ஏன்னா டாகுடர் தம்பி படத்துல அது மட்டும்தான் நல்லா(?) இருக்கும்). அப்புறம் மத்த ரெண்டு இடியட்ஸ், அதுவும் டாகுடர் தம்பியோட நல்ல கெமிஸ்ட்ரி உள்ளவங்களா பாத்துப் போடனும். ஜீவா, சித்தார்த்துன்னு பேச்சு அடிபட்டாலும் இன்னும் முடிவாகல. பிரச்ச்னை என்னன்னா, நம்ம டாகுடரு தம்பி பேரக் கேட்டாலே எந்த ஹீரோவும் பக்கத்துல கூட வரமாட்டேங்கிராங்க. ஷங்கரு மத்த ரெண்டு ஹீரோ செலக்சனுக்கு படாத பாடு பட்டுக்கிட்டு இருக்காரு.

நம்மை வாரா வாரம் மகிழ்விப்பதும் இல்லாமல் ஆயிரமாயிரம் ஹிட்ஸ் வாங்கித் தந்து கொண்டிருக்கும் டாகுடரு தம்பி ப்டத்திற்கு இப்பிடி ஒரு நிலையா? நம்மல்லாம் இதைப் பார்த்துக் கொண்டு சும்மா இருக்கலாமான்னு மனசாட்சி உறுத்துது. அதனால டைட்டில், மற்றும் ஹீரோ செலக்சன்ல நாமலும் இறங்கிட்டோம்.

தமிழ் டைட்டில்கள்:

1. 3 மடையன்கள்
2. 3 களவாணிகள்
3. 3 மாக்கான்கள்
4. 3 பொறம்போக்குகள்

இப்பிடியே நெறைய எழுதிக்கிட்டு போகலாம். நீங்களும் உங்களால முடிஞ்ச வரைக்கும் நிறைய டைட்டில்ஸ் கொடுத்து உதவுங்க. அது நன்றிக் கடனை தீர்ப்பது போலாகும் (ஏன்னா டாகுடரு தம்பி உங்களையும் ரொம்ப நல்லா சிரிக்க வெச்சி சந்தோசப்படுத்தியிருக்காரு, மறந்துடாதீங்க!)

மற்ற ரெண்டு ஹீரோக்கள் யார் யார்?:

1. தன்மானச்சிங்கம் டீஆர் அவர்கள்:

அந்த வீடியோ பாத்ததிலேருந்து எல்லாருக்குமே நல்லாத் தெரியும் நம்ம டாகுடரு தம்பிக்கும் டீஆருக்கும் கெமிஸ்ட்ரி எப்பிடி சூப்பரா இருக்கும்னு, அதுவுமில்லாம பஞ்ச் டயலாக் பேசுறதுல நம்ம தன்மானச் சிங்கத்த மிஞ்ச ஒலகத்துலேயே யாரும் இல்ல. அதுனால நம்ம டீஆருதான் முதல் சாய்ஸா இருக்காரு!

2. கேப்டன் விஜயகாந் அவர்கள்

கேப்டனோட டாகுடரு தம்பி காம்பினேசன் கெமிஸ்ட்ரிய யாருமே மறந்திருக்க மாட்டீங்க. கேப்டனோட பெசல் கிக்கும், வசனமும் படத்துக்கு ரொம்ப பக்கபலமா இருக்கும். மேலும் கேப்டன் அரசியல்ல இருக்குறதுனால நம்ம டாகுடரு தம்பியோட வருங்கால அரசியல் வாழ்க்கைக்கும் ரொம்ப உபயோகமா இருக்கும்!

3. மக்கள் நாயகன் ராமராஜன்:

மக்கள் நாயகனப் பத்தி ரொம்பச் சொல்ல வேண்டியதில்ல. இவரு இந்த லிஸ்ட்லேயே இல்லைன்னாலும், நம்ம சிரிப்பு போலீசோட ஸ்ட்ராங் ரெகமென்டேசன்னால இவரும் முக்கியமான சாய்ஸா இருக்காரு. மக்கள் நாயகனோட சிறப்பம்சமே யாருக்கும் தொந்தரவு கொடுக்க மாட்டாரு அவரு பாட்டுக்கு மாடு உண்டு, பாட்டு உண்டுன்னு போயிடுவாரு (ஷங்கரு கூட ஏதாவது ரோபோ மாடு வெச்சி புதுசா ட்ரை பண்ணலாம்!).

4. வீரத்தளபதி ஜேகே ரித்தீஷ் அவர்கள்

நம்ம வீரத்தளபதியப் பத்தி யாருக்கும் சொல்ல வேண்டிய அவசியம் இருக்காது. ஏன்னா அவ்வளவு புகழ் பேற்றவர். திரைக்கு வந்து குறுகிய காலத்திலேயே சூப்பர் ஸ்டாருக்குப் போட்டியாக விளங்கும் அளவுக்குப் பேரும் புகழும் (?) அடைந்தவர். சூப்பர் ஸ்டாருடைய ஒவ்வொரு வியர்வைத்துளியையும் தமிழ் மக்கள் தங்கமாக்கினார்கள். ஆனால் நம் வீரத்தளபதியோ உங்களுடைய ஒவ்வொரு வாழ்க கோஷத்தையும் தங்கமாக்குவார். படத்தோட பட்ஜெட்டப் பத்தி ஷங்கரு மட்டுமில்ல, கலாநிதி மாறனே கவலைப் படவேண்டியதில்லேன்னா பாத்துக்குங்களேன்!

5. இயக்குனர் பேரரசு

இயக்குனர் பேரரசு, பஞ்ச் டயலாக் பேசுவதிலும், பறந்து பறந்து பைட் பண்ணுவதிலும் பெரு புரட்சியை(?) உண்டு பண்ணியவர். டாகுடரு தம்பிக்கு மிக நெருக்கமானவர். படத்திற்கு மிகவும் பக்க பலமா இருப்பார் என்று நம்பலாம். படம் பிச்சிக்கிட்டு ஓடுவதற்கு(?) இவர் கேரன்டி. அதனால் இவரும் ஒரு அதிமுக்கியமான சாய்ஸ்.


அப்பாடா ஒரு வழியா 5 பேரு கெடச்சிட்டாங்க. இதுல இருந்து ரெண்டு பேர செலக்ட் பண்ணனும். எல்லாருமே ஈக்குவலா வேற இருக்காங்க. ரொம்பக் கொழப்பமா இருக்கு. சரி, மகா ஜனங்களே ரெண்டு பேர செலக்ட் பண்ணும் பொறுப்பை (!) உங்களிடமே ஒப்படைக்கிறேன். நம்ம டாகுடரு தம்பியோட பேருக்கும், புகழுக்கும்(?) எந்த வித களங்கமும் வந்துடாம பாத்து செலக்ட் பண்ணுங்க சரியா? (புது சாய்ஸா பாத்து செலக்ட் பண்ணாலும் சரி!)

நோ....! நோ கெட்ட வார்த்தை ப்ளீஸ், ஷங்கரு பாவம்!