Saturday, June 25, 2011

வந்தாரை வாழ வைக்கும் தமிழர்களே....!

சானல் 4 வீடியோ தொகுப்பு மூலமாக இலங்கை அரசின் உண்மையான நோக்கம் என்னவென்பதை முழுமையாக தெரிந்து கொண்டோம். மற்றநாட்டு அரசுகளுக்கு இவை முன்பே நன்கு தெரியும் என்றாலும், அவர்களுக்கு இருக்கும் வேறு சில உள்நோக்கங்களால் இதை வேடிக்கை பார்த்துக் கொண்டிருந்திருக்கிறார்கள். எங்கோ இருக்கும் சானல் 4-ற்கு இருக்கும் அக்கறையில் ஒரு சதவீதம் கூட நம் தமிழக தொலைக்காட்சிகளுக்கு இல்லையே? அதிகாரம், பணபலம், மீடியா எல்லாம் குறுகிய எண்ணம் கொண்ட ஒரு சிலரின் கையில் சிக்கி நம் வாழ்வு, சுற்றுச் சூழல், தொழில் வளர்ச்சி, சமூக மேம்பாடு என அனைத்தும் சீரழிந்து வருவதை ஆற்றாமையோடு பார்த்துக் கொண்டிருக்கும் நிலையில் இருக்கிறோம். 

சானல் 4-ன் கொலைக்களம் காணொளியை பார்த்த பின்னரும் நாம் எதையும் கண்டு கொள்ளாது இருந்தால் வரலாறு நம்மை மன்னிக்காது மக்களே! நம்மால் பெரிதாக எதுவும் செய்துவிட முடியாது என்றாலும், குறைந்தபட்ச உணர்வுகளையாவது வெளிப்படுத்துவோம். இதன்மூலம் இலங்கையில் தமிழர்கள் அரைமனிதர்களாக நடத்தப்பட்டு வரும் நிலையாவது மாறட்டும்.

ஜூன் 26 அன்று சித்திரவதைக்கு உள்ளாக்கப்பட்டோருக்கு ஆதரவு தெரிவிக்கும் நாளாக ஐக்கிய நாடுகள் சபையால் அறிவிக்கப்படிருக்கிறது. அந்நாளில் ஈழப் படுகொலைகளை நினைவு கூறும் அதே சமயம், இலங்கைக் கடற்படையால் கொல்லப்பட்ட 543 தமிழக மீனவர்களுக்கும் அஞ்சலி செலுத்துவதாகவும் இந்த நிகழ்வை அமைத்துக்கொள்ளலாம் நண்பர்களால் ஏற்பாடு செய்யப்பட்டிருக்கிறது.

இது அரசியல்/சினிமா நிகழ்வல்ல, லாரிகளில் அல்லக்கைகளை கொண்டுவந்து கொட்டுவதற்கு! மக்களால் மக்களுக்காக ஏற்பாடு செய்யப்பட்டிருக்கும் நிகழ்ச்சி! நீங்களும் உங்கள் குடும்பத்தினர், நண்பர்கள், பக்கத்து வீட்டினர், அலுவல தோழர்கள் என அனைவரையும் கலந்து கொள்ளச் செய்யுங்கள். உங்களால் முடிந்த வரை இத்தகவலை பரப்பியும் உதவுங்கள். இதுதான் பாதிக்கப்பட்ட நம் சகோதரர்களுக்கு ஒரு சகமனிதனாக நாம் செய்யும் சிறு முயற்சி!







மெல்லிதயம் கொண்டோரே
மெழுகுதிரி ஏந்த
மெரினாவிற்கு வாரீர்.

சென்னையில்,
நாள்: ஜூன் 26
நேரம்: மாலை 5 மணி
இடம்: சென்னை மெரினா கண்ணகி சிலை.



மதுரையில்,
தமிழ் அன்னை சிலை
தமுக்கம் அருகில் ,மதுரை
ஈழ ஆதரவாளர் கூட்டமைப்பு -9443917588 இந்த எண்ணுக்கு போன் செய்து கேட்டு கொள்ளவும் .அல்லது உங்கள் வருகையை .உறுதி படுத்தி கொள்ளவும் .

கோவையில்,

இன்னும் இடம் உறுதி செய்ய படவில்லை. அதனால் .
திரு .பிரபாகர் அவர்களை 9865417418 தொடர்பு கொள்ளவும்.


டிவீட்டரில் பிரச்சாரத்தை முன்னெடுக்க, உங்கள் ட்வீட்டுகளில் #June26Candle ஐ சேர்த்துக் கொள்ளுங்கள்!

நன்றி!

சுகவீனமாக போதிலும் அயராது முயற்சி எடுத்து வரும் நண்பர் கும்மி அவர்களுக்கு ஒரு சல்யூட்!


!

Tuesday, June 7, 2011

பன்னீஸ் டீவி: அப்பாடக்கர்ஸ் ஸ்பெசல்....!

தமிழகத்தில் திரும்பிய பக்கமெல்லாம் பலப்பல அப்பாடக்கர்கள் வலம் வருகிறார்கள். அவர்களில் எனக்குப் பிடிச்ச சில சினிமா அப்பாடக்கர்கள் யார் யாருன்னு பார்ப்போமா?

விஷால்
இவர் ஆரம்பத்துல ஒழுங்காத்தான் போய்க்கிட்டு இருந்தாரு, அப்புறம் திடீர்னு வழக்கமா எல்லா நடிகர்களுக்கும் வர்ர ஞானதோயம் இவருக்கும் வந்திடுச்சு. அதிரடியா களத்துல குதிச்சிட்டாரு. பைட்டுன்னா பைட்டு அப்படி ஒரு பைட்டு, கீழ் இருந்து மேல, மேல இருந்து கீழ...... அப்பப்பப்பா என்ன ஒரு சாகசம்?

இந்த வீடியோவ பாருங்க, இவரு அந்த பாலை வெச்சு என்ன என்ன பண்றாருன்னு?




சிம்பு
இவரு பெரிய அப்பாட்டக்கருன்னு இவரே சொல்லுவாருங்க. இந்த பைட்ட பாத்தீங்கன்னா நீங்களும் அதைத்தான் சொல்லுவீங்க....!



சுந்தர் சி
ஏற்கனவே இருக்கிற அப்பாடக்கர்கள் பத்தாதுன்னு ஒழுங்கா டைரக்சன் பண்ணிக்கிட்டு இருந்த மனுசன புடிச்சி களத்துல எறக்கி விட்டுட்டானுங்க. அண்ணன் சும்மா விடுவாரா? வீடியோவ பாருங்க, இனி அடுத்து விஜயகாந்த் இடத்த புடிக்க போறது இவர்தான். யார் கண்டது கூடிய சீக்கிரம் இவருக்கும் ஒரு டாகுடர் பட்டம் கிடச்சாலும் கிடைச்சுடும்!



சின்ன டாகுடர்
இவரு இல்லாம இந்த லிஸ்ட்ட போட முடியுங்களா? எங்க இளையதளபதிய பத்தி இனி சொல்றதுக்கு ஒண்ணுமே இல்லீங்கோ...!



பழைய அப்பாடக்கர்
நோ கமெண்ட்ஸ்




தி கிரேட் ஆல் டைம் அப்பாடக்கர்
(நோ கமெண்ட்சுன்னு சொல்லக் கூட முடியலீங்க......)





இன்றைய ஸ்பெசல் ஷோ:
எல்லா சாகசங்களையும் பாத்து பாத்து நொந்து போயிருப்பீங்க, அதுனால உங்களுக்காக இன்னிக்கு ஸ்பெசல் பாட்டு ஒண்ணு போடுறேன். (தேடிப்பாத்ததுல ரெண்டு பாட்டு சிக்குச்சு, எது நல்லாருக்குன்னு முடிவு பண்ண முடியல, அதுனால ரெண்டையுமே போட்டுட்டேன், நீங்களே பாத்து முடிவு பண்ணிக்குங்க)






புலி நல்லா உறுமுதுல்ல?

சாம் ஆண்டர்சன், பவர்ஸ்டார் டாகுடர் சீனி, ஜேகே ரித்தீஷ் போன்ற வளரும் அப்பாடக்கர்களை வாழ்த்தி விடைபெறுகின்றேன்!



நன்றிகள்
யூ டியூப்
வீடியோ ரீமிக்சிங், அப்லோட் செய்த நண்பர்கள்! 


!

Friday, June 3, 2011

ஆண்டு விழாவுங்கோ...!

எவனுக்காவது ஞாபகம் இருக்கும், கூப்பிட்டு வாழ்த்துவாங்க, பாராட்டு விழா எடுப்பாங்க, மாலை போடுவாங்க, பொன்னாட போத்துவாங்க அப்படி இப்படின்னு என்னென்னமோ கனவு கண்டுக்கிட்டு இருந்தேங்க, ஆனா ஒரு பய கூட கண்டுக்கல. அட எனக்கே ஞாபகம் இல்லேன்னா பாருங்களேன். 

அப்படி என்னன்னு கேட்கறீங்களா? அட அதாங்க நான் ப்ளாக்ல எழுத (?) ஆரம்பிச்சு ஒரு வருசம் (?) ஆகிடுச்சாம். இப்ப சொல்லுங்க, ஒரு வருசமா எப்படியெல்லாம் எழுதி எழுதி களைச்சி போயி இருக்கேன், பொன்னாட போர்த்தலேன்னா கூட பரவால்ல, அட ஒரு வார்த்தையாவது சொல்லி பாராட்ட வேணாமா? என்ன ஒலகமடா இது....? ஒரு பிரபல பதிவர பாராட்டனுமே, ஆறுதலா நாலு வார்த்த பேசனுமே கொஞ்சம் கூட அக்கறையில்லாம.... சே....!

ஓகே விடுங்க சார், நானே என்னை வாழ்த்திக்கிறேன். இப்போ மேட்டருக்கு வருவோம். இன்னிக்கு ஆண்டு விழா கொண்டாடப் போறேன். (ஏன் மெட்ரிக்குலேசன் ஸ்கூல்தான் ஆண்டுவிழா கொண்டாடனுமா...? நாங்களும் கொண்டாடுவோம்ல....!)   அதுனால ப்ளாக் பக்கம் வரும் அன்பர்களுக்கு பல்வேறு சிறப்பு சலுகைகள், பரிசுகள் தரலாம்னு இருக்கேன்.

இன்றைய ஆண்டுவிழா பதிவிற்கான பரிசுகள் அறிவிப்பு

1. இன்று ப்ளாக்கிற்கு வருபவர்கள் அனைவருக்கும் பவர் ஸ்டாருடன் ஒரு போட்டோ எடுத்துக் கொள்ளும் வாய்ப்பு

பதிவு எழுதிக் கொண்டிருக்கும் போதே ப்ளாக்கிற்கு வந்து உடனடியாக பவர் ஸ்டாருடன் போட்டோ எடுத்துக் கொள்ளும் வாய்ப்பினை பெற்ற ஒபாமா

(பவர் ஸ்டார்: நான் ஒரு ப்ளாக் ஆரமிக்கலாம்ன்னு இருக்கேன்...

ஒபமா: ஏன் டாகுடர்?

பவர் ஸ்டார்: மொக்கை படத்துக்கு விமர்சனம் எழுதுற சிபி கூட என் படத்துக்கு விமர்சனம் எழுத மாட்டேங்கிறாரே.அதான் நானே எழுதிடலாமேன்னு......! )

2. முதல் கமெண்ட் போடுபவருக்கு அடுத்த 20 கமெண்ட்டுகள் இலவசம்

3. நீங்கள் இங்கே போடும் ஒவ்வொரு ஓட்டிற்கும் பதிலாக உங்கள் பதிவிற்கு ஒரு ஓட்டு போடப்படும், ப்ளாக் இல்லாதவர்கள் உடனே ஆரம்பித்துக் கொள்ளுமாறு அறிவுறுத்தப்படுகிறார்கள்

4. 50, 100, 150 வது கமெண்டுகள் போடுபவர்களுக்கு ஒரு வடை வாங்கித் த்ரப்படும் அல்லது வடை போட்டோவாவது தரப்படும்.

5. இன்று அதிக கமெண்ட் போடுபவர்களுக்கு மேல்சபையில் இடம் பார்க்கப்படும்.


அறிவிப்பு: மைனஸ் ஓட்டுப் போடுபவர்களுக்கு பவர் ஸ்டாருடன் நடிக்கும் வாய்ப்பு வாங்கித் தரப்படும் என்பதை மகிழ்ச்சியுடன் தெரிவித்துக் கொள்கிறோம்.

எச்சரிக்கை: வாழ்த்துக்கள், பாராட்டுக்கள் ஆஹா, அருமை, சூப்பர், கலக்கல்னு கமெண்ட் போடுபவர்களுக்கு பவர் ஸ்டாரின் ஆனந்த தொல்லை டிவிடி வழங்கப்படும், அப்படியும் அடங்காதவர்களுக்கு சராமாரியாக மைனஸ் ஓட்டுகள் போட்டுத்தள்ளப்படும்!



நன்றிகள்:
எஸ்கே: புகைப்படம்
சிரிப்பு போலீஸ்: ஒபாமா-பவர் ஸ்டார் உரையாடல்


!