டாகுடரு விஜய்க்கும் அஜித்திற்கும் இடையில்...டொட்டடைய்ங்???

சமீபத்துல ஒரு விழாவுல நம்ம டாகுடரு விஜயும் அஜித்தும் பக்கத்துல உக்காந்து ரொம்ப நேரம் சிரிச்சு சிரிச்சு பேசிக்கிட்டு இருந்தாங்க. பாத்தவங்க எல்லாருக்கும் ஒரே ஆச்சர்யம், அப்படி என்னதான் பேசுறாங்க ரெண்டு பேரும்னு! யாருக்குமே வெளங்கல, மண்டையப் பிச்சுக்காத குறை!

ஒலக நடிப்புடா சாமி....!

மேலே உள்ள ப்டத்துல பாத்தீங்கள்ல? என்னமா போட்டி போட்டு நடிச்சிருக்காங்க ரெண்டு பேரும்? ங்கொய்யா...! இந்த நடிப்புல கால்வாசிய படத்துல பண்ணியிருந்தா போதுமே, ஜனங்க இப்பிடி பீதியாயி பேதியாயி இருக்க மாட்டாங்கள்ல? சரி, நல்ல மாட்டுக்கு ஒரு சூடு!
 
நம்ம மேட்டருக்கு வருவோம், உங்களுக்கெல்லாம் அவங்க ரெண்டு பேரும் அப்பிடி என்னதான் பேசிக்கிட்டாங்கன்னு தெரிஞ்சுக்க ரொம்ப ஆர்வமா இருக்குல்ல? (இருக்கனுமே, இல்லைன்னா நம்ம பொழப்பு எப்பிடி ஓடுறது?) உங்களுக்காக ரெண்டு பேரும் பேசிக்கித அப்பிடியே சென்சார் (?)  பண்ணாம இங்கே கொடுத்திருக்கேன்!
 
 


அஜித்: ஒரு படம் கூட ஒடமாட்டேங்கிதேன்னு ரொம்பக் கவலையா இருந்திச்சி! இப்போ உங்க நிலமையப் பாத்த உடனே எல்லாக் கவலையும் போயே பொச்சு!

விஜய்: ஹி...ஹி...ஹி...! (ப்ரண்ட்ஸ் படத்துல தங்க்ச்சி ப்ரெண்ட்ச ஜொள்ளுவிட்டு மாட்டிக்கிட்டு சிரிப்பாரே அந்த  சிரிப்பு!)


அஜித்: அது எப்பிடி விஜய் இத்தன ப்ளாப் கொடுத்தும் கொஞ்சம்கூட யோசிக்காமா இப்பிடி அசராம படம் பண்ணிக்கிட்டே இருக்கீங்க?

விஜய்: படம் எதுக்கு நல்லா(!) ஓடுது, ஏன் ப்ளாப் ஆகுதுன்னே தெரியல? அப்புறம் அதப் பத்தி யோசிச்சி என்ன பண்றது? அதான் இப்பல்லாம் கதையப் பத்தி கவலையே படாம நடிக்கிறேன்!



அஜித்: என்ன விஜய் இன்னிக்கு கலைநிகழ்ச்சில காமெடி புரோகிராம்ல உங்கபேரு போட்டிருக்காங்க?

விஜய்: ஆமா அஜித், அத ஏன் கேக்குறீங்க? இன்னிக்கு விவேக் வரலியாம், அதான் என்ன பண்றதுன்னு தெரியாம என்ன சும்மா வந்து மேடைல நில்லுங்க(?) மத்தத நாங்க பாத்துக்கிறோம்னாங்க!



அஜித்: என்ன விஜய் உங்களுக்கு காமெடி நல்லா வரும்போல இருக்கு, ஒரு புல் காமெடி படம் ஒன்னு பண்ணவேண்டியதுதானே?

விஜய்: அடபோங்க அஜீத், நான் சீரியசா படம் எடுத்தாலே காமெடி பண்றானுங்க, இதுல காமெடியாவே எடுத்தா இன்னும் என்னென்ன பண்ணுவாங்களோ?



அஜித்: என்ன விஜய் உங்களுக்கு வடிவேலுக்கும் ஷூட்டிங் ஸ்பாட்ல தகராறாமே?

விஜய்: ஆமா அஜித் என்னன்னே தெரியல (!), எல்லாக் காமெடி சீனையும் நானே பண்ணிடறேன்னு கோவப்படுறாரு வடிவேலு!



விஜய்: என்ன அஜித் ரொம்ப சந்தோசமா இருக்கீங்க போல?

அஜித்: ஆமா விஜய், என் படம் ஓடுனப்போ கூட இவ்வலவு சந்தோசப்படல. ஆனா நீங்க அரசியல் கட்சி ஆரம்பிக்கப் போறேன்னதுக்கு அப்புறம் அவ்வளவு ஹேப்பியா இருக்கேன்.



அஜித்: என்ன விஜய் அடுத்தபடமும் ப்ளாப் ஆயிட்டா என்ன பண்ணுவீங்க?

விஜய்: சிம்பிள், அதுக்கடுத்த படம் பண்ணுவேன்! (எத்தன ப்ளாப் பாத்தவன் எங்கிட்டயேவா?)



அஜித்: இப்போ பதிவுலகம் புல்லா நீங்கதான் ஹாட் டாப்பிக்காமே?

விஜய்: இருக்கனுமே, நம்ம அடுத்த படம் வருதுல?

அஜித்: மூஞ்சி! உங்க ப்ளாப் படங்களப் போட்டு உங்கள கிழிகிழின்னு கிழிச்சிக்கிட்டு இருக்கானுக

விஜய்: அப்பிடியா? அடுத்த படம் மட்டும் வரட்டும், அப்புறம் என்ன செய்வாங்கன்னு பாக்குறேன்!

அஜித்: என்ன செய்வாங்க, அந்தப் படத்தப்போட்டு கிழிப்பாங்க!

விஜய்: ஹி...ஹி...ஹி...!



அஜித்: ஏன் விஜய் அந்த வில்லு இன்டர்வியூவுல அப்பிடி கத்துனீங்க?

விஜய்: பின்னே, நீங்க டாக்டர் பட்டம் வாங்கிட்டீங்களே இனிமே நடிப்ப விட்டுட்டு கிளினிக் ஆரம்பிக்க போறீங்களாமேன்னு கேட்டா என்ன பண்றது?



அஜித்: என்ன விஜய், நாங்களும்தான் நடிக்கிறோம், உங்களுக்கு மட்டும் எப்படி டாக்டர் பட்டம் கொடுத்தாங்க?

விஜய்: பின்னே சும்மாவா? படம் ப்ளாப் ஆனதுக்கப்புறமும் 100 நாளு ஓடுனதா விழா கொண்டாடுறோம்ல, அதுவும் அதே தயாரிப்பாளர் செலவுல! அதுக்குத்தான் கொடுத்திருப்பாங்க!
 
 
தி பைனல் பஞ்ச்!!!
அஜித்: இன்னுமா இந்த ஒலகம் நம்ம ரெண்டு பேரையும் நம்புது?
விஜய்: ஹி...ஹி...ஹி...!