ஸ்டார்ட் மியூசிக்!

தானே கமிட்டாகிய தானைத்தலைவன்...

2012-01-23T11:50:00.000+05:30

டேய்.... ஒரு அரசு அதிகாரிகிட்ட எப்படி நடந்துக்கனும்னு தெரியாது....?

காலை 6.15. அது ஜனவரி மாதமாகையால் கொஞ்சம் சிலுசிலுவென்றிருந்தது. தெருவில் ஒன்றிரண்டு பேர் சென்று கொண்டிருந்தார்கள். பிரபல பதிவர் சிரிப்பு போலீஸ் ரமேஷ் அலுவலகம் செல்வதற்காக வீட்டில் இருந்து கிளம்பினார். எப்போதும் சீக்கிரமே கிளம்பிவிடுவார், ஏனென்றால் அப்போதுதான் பக்கத்து டீக்கடையில் பழைய ஊசிப்போன வடை போண்டாக்களை தூக்கி வீசுவார்கள், அதை யாருக்கும் தெரியாமல் நைசாக எடுத்துக் கொள்வது ரமேசின் வழக்கம். வீட்டிலிருந்து அரை கிலோமீட்டர் நடந்தால் தான் பஸ் ஸ்டாப். தெருமுனையில் இருக்கும் அண்ணாச்சி கடை இன்னும் திறந்திருக்கவில்லை. அண்ணாச்சி 8 மணிக்குத்தான் கடை திறப்பார். அண்ணாச்சி கடைமுன்பாகவும் ஏதாவது கிடந்தால் யாரும் பார்க்காதவாறு எடுத்துக் கொள்வார்.

ஆனால் இன்று கடைமுன்பாக யாரோ ஒருத்தர் நின்று கொண்டிருந்தார். புதிதாக இருந்தார். ஆள் பார்ப்பதற்கு ஷங்கர் படங்களில் வரும் அரசு உயர் அதிகாரி போல் இருந்தார். தலையில் ஒரு உல்லன் தொப்பி. அலுவலகத்திற்குச் செல்ல தயாராக இருப்பது போல் நின்று கொண்டிருந்தார். புதிதாக இந்த ஏரியாவிற்கு குடிவந்திருக்கலாம். கம்பெனி வண்டிக்காகவோ நண்பருக்காகவோ காத்துக் கொண்டிருக்கிறார் போல. இப்படி எண்ணிக் கொண்டவாரே பஸ்ஸ்டாப்பை அடைந்தார்.

மறுநாள் காலையும் அவர் அதே இடத்தில் நின்றிருந்தார். இப்போது கொஞ்சம் பழகிய(?) முகமாகி விட்டதால் மெலிதாக புன்னகைக்க முயற்சித்தார் சிரிப்பு போலீஸ், ஆனால் அவர் பதில் ரியாக்சன் கொடுக்காமல் ரொம்ப சீரியசான பாவனையுடன் இருந்ததால், முகத்தில் வந்த சினேகமான புன்னகையை கஷ்டப்பட்டு அடக்கிக் கொண்டு எதுவும் நடக்காதது போல் அசடு வழிந்தவாறு தன்பாட்டுக்குச் செல்லத் தொடங்கினார். என்ன மனிதர் இவர், சும்மா பதிலுக்கு ஒரு சின்ன புன்னகை செய்தால் என்ன? காசா, பணமா? இப்படியும் இருக்கிறார்களே என்று திட்டிக் கொண்டே அலுவலகம் சென்றடைந்தார். ஒரு புன்னகை வீணாகிவிட்டதே என்ற வருத்தம் அவருக்கு!

அலுவலகத்தில் ரமேசால் அன்று வழக்கம்போல் நிம்மதியாக தூங்க முடியவில்லை. எவ்வளவோ முயற்சித்தும் அந்த புதுமனிதரைப் பற்றி சிந்தனை அவ்வப்போது வந்து போனது. யாராக இருக்கும், பார்க்க வேறு பெரிய அதிகாரி போல் இருக்கிறார், உண்மையிலேயே உயர் அதிகாரியாக இருப்பாரோ? என்று பலவாறாக மண்டையைக் குடைந்து கொண்டு யோசித்துக் கொண்டே தாமதமாக சாப்பிட்டதில் கேண்டீனில் வடை காலியானதுதான் மிச்சம். அதையும் நினைத்து இன்னும் அதிகமாக புலம்பியவாறே அன்றைய பொழுதைக் கழித்தார்.

மறுநாள் காலை எழுந்ததில் இருந்தே மறுபடியும் அவர் பற்றிய எண்ணங்கள் சிரிப்பு போலீஸ் மனதில் ஓடத் தொடங்கியது. போன் பேச முடியவில்லை, எஸ்.எம்.எஸ் அனுப்ப முடியவில்லை, ஆசையாக இட்டிலியும் சட்டினியும் சாப்பிட முடியவில்லை... என்று எங்கு சென்றாலும் அதே நெனப்பு... ரொம்பவே வெறுத்துப் போனார் போலீஸ். கொஞ்சம் அவமானப்படுத்தினாலும் பரவாயில்லை இன்று எப்படியும் அவரிடம் பேசி இதை ஒரு முடிவுக்கு கொண்டுவர வேண்டும் என்று முடிவு செய்தார்.

அரசு உயர் அதிகாரி மாதிரி இருக்கிறார், நம் ஏரியாவில் வேறு வசிக்கிறார், பழகி வைத்துக் கொண்டால் பின்னர் எப்போதாவது ஓசி சாப்பாடு கிடைக்கக்கூடும் என்று அவரது உள்மனது பக்காவாக கணக்குப் போட்டது. இன்று நம் பேச்சுத் திறமை முழுதையும் காட்டி அவரை நம்வழிக்கு கொண்டு வந்துவிட வேண்டியதுதான் என்று எண்ணிக் கொண்டு 10 நிமிடம் முன்னதாகவே கிளம்பினார்.

அதே அண்ணாச்சி கடை முன்பாக அந்த அதிகாரி நின்று கொண்டிருந்தார். ரமேஷ் சட்டென்று ஒரு ரெடிமேட் புன்னகையை வரவழைத்துக் கொண்டு அவர் அருகில் சென்று சார் வணக்கம் என்றார். பதிலுக்கு அவர் கையை நீட்டினார். கைகுலுக்கலாம் என்று ரமேசும் கையை நீட்டினார், பார்த்தால் அவர் கையில் கத்தி இருந்தது.. ரமேஷ் சற்று குழம்பியவராக அதிர்ந்து போய் நிமிர்ந்து பார்த்தார்... உடனே அதிகாரி டேய்.. பணத்த எட்ரா..... என்றார்.

ஆனந்த தொல்லை: ஒரு இனிய ஆரம்பம்...!

2012-01-18T11:00:00.000+05:30

சில பிரபல பதிவர்கள் (உச்சத்தில் இருப்பவர் உள்பட) ஒருவழியாக பவர்ஸ்டார் வெறியர்களின் அன்பான மிரட்டலுக்கிணங்க ஆனந்த தொல்லை என்ற அற்புத உலகமகா காவியத்திற்கு விமர்சனம் எழுதுவதாக உறுதியளித்துள்ளார்கள். மேலும் சில இளம்பதிவர்கள் ஆனந்த தொல்லை படம் ஓடும் 500+ நாள் வரைக்கும் தினமும் பவர்ஸ்டாரை பற்றி ஏதாவது எழுதுவதாகவும் முடிவு செய்துள்ளார்கள். அவர்களுக்கு உதவுவதற்காக பவர்ஸ்டாரின் பவர்ஃபுல் படங்கள் சிலவற்றை இங்கே பிரசுரித்திருக்கிறோம். இளகிய மனம் படைத்தவர்கள் தயவு அப்படியே சென்று விடவும்!

பவர் ஸ்டார் சொல்றான்..... பவர் ஸ்டார் முடிக்கிறான்....

ஐயாம் தி நியூ ஆர்னால்ல்டு சுவார்ர்ர்செனேகார்ர்ர்ர்ர்ர்ர்ர்ர்ர்ர்....

என்னா லுக்கு......?

இது காதுல வேணா நான் தான் பவர்ஸ்டார்னு சொல்லிப் பார்க்கவா...?

எலேய்ய்.... படம் வந்ததும் ஒழுங்கா எல்லாப்பயலும் விமர்சனம் எழுதிடுங்க... இல்லே.....

டீசர்ட்டுகளில் பவனி வரப்போகும் பிரபல பவர்ஸ்டார் கார்ட்டூன்...

இப்படிக்கு,
பவர்ஸ்டார் கொலவெறி குருபீஸ்
சர்வதேச கிளை மற்றும் மரம்

நன்றி: கூகிள் இமேஜஸ், கெட்சினிமாஸ் கார்ட்டூன், பவர்ஸ்டார்

நண்பன்: எனது விமர்சனம், முதல் முறையாக...

2012-01-17T12:44:00.000+05:30

முதல் முறையாக ஒரு விமர்சனம் எழுதலாம் என்றவுடன் எனக்கு கொஞ்சம் உதறலாகத்தான் இருந்தது. பின்னே பெரிய பெரிய ஜாம்பவான்கள் கோலோச்சும் இடத்தில் கத்துக்குட்டிகள் நுழைவதற்கு கொஞ்சம் அப்படித்தானே இருக்கும்? நல்ல தெளிவான மனநிலையுடன் விமர்சனம் எழுதலாம் என்று முடிவு செய்து கொஞ்சம் ரிலாக்ஸ் பண்ணிக் கொண்டு அமர்ந்தேன், அப்போதுதானே எல்லா முக்கியமான விஷயங்களையும் சரியாக நினைவில் வைத்து கோர்வையாக எழுதலாம்?

நம்ம பிரண்டு ஒருத்தன் விஜய் ரசிகன். ரொம்ப நல்ல பையன், கொஞ்சம் அப்பாவித்தனமா இருப்பான், ஆனா ஊமைக்குசும்பு அதிகம். திடீர் திடீர்னு ஏதாவது வில்லங்கமா பண்ணிட்டு வந்து நிப்பான். அப்பல்லாம் நாங்க வீக்கெண்ட்ஸ்ல ஈவ்னிங் ஏதாவது படத்துக்கு போவோம், ஷோ முடிஞ்சு வந்த உடனே நல்லதா ஒரு ஹோட்டலுக்கு போய் செமயா சாப்பிடுவோம். சாப்பாடு விஷயத்தில் ரெண்டு பேருக்கும் ஒரே மாதிரி ரசனை. அதனால ஹோட்டல்கள்ல வெரைட்டியா ஆர்டர் பண்றதுக்கு ஈசியா இருக்கும்.

அப்படித்தான் அவன்கூட பல படங்களுக்குப் போனேன். இந்த மாதிரி பசங்களுக்கு ஃப்ரெண்டா இருக்க விஷயம் இருக்கு பாருங்க, அதைவிட ஒலகத்துலேயே கொடுமையான விஷயம் கிடையாதுங்க. ஏதாவது புதுப்படம் வந்தா போதும், இவனுங்க அத பாத்துட்டு வந்து மூணு நாளைக்கு நம்மளையும் தூங்க விடமாட்டானுங்க, சாப்பிட விடமாட்டானுங்க. இவனுங்ககிட்ட இருந்து தப்பிக்கிறதுக்குள்ள நாலு ஜல்லிக்கட்டு காளைகளுக்கு லாடம் கட்டிட்டு வந்துடலாம்.

இப்படி போய்ட்டு இருந்தப்போதான் நண்பன் படம் ரிலீஸ் ஆகுச்சு. படம் வேற ரொம்ப நல்லா இருக்கறதா பேச்சு வந்துடுச்சா... நான் கொஞ்சம் கலங்கிட்டேன். பயலை சமாளிக்கிறதுக்குள்ள பெரும்பாடா போச்சு. தினம் ஒரு காரணம் சொல்லி தள்ளிப் போட்டுட்டே வந்து ஆளை. கொஞ்சம் கொஞ்சமா நார்மலாக்கி, அப்புறம் படத்துக்கு போகலாம்னு ப்ளான். இதையெல்லாம் அப்படித்தான் டீல் பண்ணனும் என்ன சரிதானே?

எப்படி இருக்கு என் நண்பன் விமர்சனம்? இருங்க இருங்க நீங்க எந்த நண்பன் விமர்சனம்னு நெனச்சீங்க? நண்பன் பட விமர்சனம்னா? நான் என்ன நண்பன் படம் விமர்சனம்னா சொன்னேன், நண்பன் விமர்சனம்னுதானே சொல்லி இருக்கேன், எங்கே டைட்டிலை மறுக்கா படிச்சுப் பாருங்க?

ரூம் போட்டு அழ விரும்புபவர்கள் உடனே பெயரை முன்பதிவு செய்து கொள்ளவும்!

நன்றி: கூகிள் இமேஜஸ்!

மேதை: ஒரு சிறப்பு பார்வை....!

2012-01-16T10:37:00.000+05:30

இந்த பாருங்கண்ணே, என்ன பண்ணுவீங்களோ ஏது பண்ணுவீங்களோ தெரியாது எனக்கு இப்ப உடனே மஞ்ச சட்ட வரனும் ஆமா...

அங்க என்ன பாக்குறீங்க?

நான் எங்க பார்க்குறேன், எல்லாம் கருப்பாத்தான் தெரியுது, ஏதோ குத்துமதிப்பா டைரக்டர் சொன்ன பக்கமா நிக்கிறேன்

அப்படியெல்லாம் அவசரப்பட்டு போய்டாதீங்கண்ணே, நீங்களும் போயிட்டா தியேட்டர்ல ஆப்பரேட்டர் மட்டும் தனியா என்னண்ணே பண்ணுவாரு?

இதோ பாரும்மா, இந்தப்படத்துக்கு நாந்தான் ஹீரோ, நீ என் கூடத்தான் டூயட் பாடியாகனும் வேற வழி இல்லமா....... சொன்னா புரிஞ்சுக்க....

சார்லி, இந்த படத்துல நடிக்கிறவங்க எல்லாரும் படத்துக்கு 100 நாள் வரை டெய்லி டிக்கட் வாங்கனும்னு முன்னாடியே சொன்னேனே, இப்போ முடியாதுன்னா எப்படி?

டேய்ய் என்ன அப்படி பாக்கிறே...?

பல்ல வெளக்கிட்டு வந்துடுங்கண்ணே..... முடியலண்ணே.....

யப்பா..சாமி.. நீ இந்த பதிவர்களை எப்படியாவது கண்ட்ரோல் பண்ணு..... படத்த ஓட்டுறத நான் பாத்துக்கிறேன்....

சார்லிண்ணே, நல்லா பாத்துக்குங்க, நம்ம படம் ரிலீசான உடனே இவங்கதான் படத்த 300 நாள் வரைக்கும் டெய்லி பார்க்க போறவங்க, எல்லாம் பேசி முடிச்சிட்டேன்...

இது கிராமத்து படம் இல்ல சார், இப்பவாவது நம்புங்க......

நன்றி: கூகிள் இமேஜஸ் மற்றும் http://chennai365.com

சாட் ஹிஸ்டரியும் பிரபல பதிவரும்...

2012-01-09T15:20:00.000+05:30

அப்பவே இந்தப்படம் வேணாம்னு சொன்னேனே கேட்டியா....? இனி பார்க்கிறவன்லாம் இவர் கூட நம்மை கம்பேர் பண்ணித் தொலைவானுங்களே...?

நேத்து வேலையெல்லாம் முடிஞ்சு மெயில் செக் பண்ணிட்டு இருக்கேன், திடீர்னு ஒருத்தர் சாட்ல வந்தார். அவர் பேரு சங்கராம். எங்கூட கொஞ்சம் பேசனும்னார். யார்னு தெரியல, ஏதாவது பிரபல பதிவரா இருக்கப்போறாரு சும்மா பேசி வைப்போம்னு சாட் பண்ணேன்..

சங்கர்: சார் வணக்கம்

பன்னி: வணக்கம்..

சங்கர்: எப்படி இருக்கீங்க? உங்க கூட சாட் பண்றதுல ரொம்ப மகிழ்ச்சி சார்

பன்னி: நமக்குள்ள எதுக்குங்க சார் எல்லாம், நான் என்ன கலக்டரா... இல்ல ஜட்ஜா ?

சங்கர்: சரிங்க.. இருந்தாலும் நீங்க எவ்ளோ பெரிய பிரபல பதிவரு என் கூடலாம் சாட் பண்ணுவீங்கன்னு நம்பவே இல்ல...

பன்னி: அட பிரபல பதிவர்னா என்னங்க.. நானும் உங்கள மாதிரி சாதரண ஆளு தாங்க...

சங்கர்: அப்படியெல்லாம் இல்லைங்க, நான் ரொம்ப நாளா உங்க ரசிகன்.

பன்னி: ஓ அப்படிங்களா..... நன்றி சங்கர்

சங்கர்: ஆமாங்க, டெய்லி காலைல உங்க பதிவுலதான் கண்ணு முழிப்பேன். அதுக்காக லேப்டாப்ல உங்க ப்ளாக்க ஓப்பன் பண்ணி பக்கத்துல வெச்சிக்கிட்டுத்தான் தூங்குவேன்.

பன்னி: (ங்கொய்யால இவன் என்ன லூசா... இல்ல நக்கல் பண்றானா?) யோவ் ரசிகன்னு சொன்னீங்க சரி, ஆனா இதெல்லாம் ரொம்ப ஓவரு...

சங்கர்: ஓவர்தான் இருந்தாலும் உண்மைய சொல்லித்தானே ஆகனும்...... என்னோட லவ்வரும் உங்க ரசிகைதாங்க, அவ சொல்லித்தான் நானும் உங்க ரசிகர் ஆனேன். இல்லைன்னா என்னைய அவ லவ் பண்ணி இருக்கவே மாட்டா...

பன்னி: (டேய்.. டேய்ய்... இன்னிக்கு நாந்தானாடா சிக்குனேன்....... ) தம்பி தண்ணியடிச்சிருக்கீங்களா? நாம வேணா அப்புறமா சாட் பண்ணுவோமே?

சங்கர்: இல்லீங்க, நான் தெளிவாத்தான் இருக்கேன், நீங்க தான் நம்ப மாட்டேங்கிறீங்க. இப்ப நான் உங்க கூட சாட் பண்றதுக்குக் கூட அவதான் காரணம்.

பன்னி: எப்படி?

சங்கர்: போனவாரம் அவ கிட்ட ஒரே ஒரு கிஸ் கேட்டேங்க, ஆனா அவ உங்க கிட்ட சாட் பண்ணதுக்கு ஆதாரம் கொடுத்தாத்தான் கொடுப்பேன்னு சொல்லிட்டா.. அதான் உங்களை தேடி கண்டுபுடிச்சி சாட்டுக்கு வந்தேன்

பன்னி: (வெளங்கிரும்....) தம்பி இதெல்லாம் நல்லதுக்கில்ல, வேணாம் நீங்க என் ப்ளாக் படிக்கலைன்னாலும் பரவால்ல, இந்த மாதிரியெல்லாம் பேச வேணாம் சொல்லிட்டேன்

சங்கர்: சரி அத விடுங்க, நீங்க ஏன் உங்களை பத்தியே எழுதிட்டு இருக்கீங்க?

பன்னி: ஏம்பா நீ என் ப்ளாக் படிச்சிருக்கியா, இல்ல குத்துமதிப்பா பேசிட்டு இருக்கியா? இப்போ கொஞ்சநாளா பவர்ஸ்டார்னு ஒருத்தரை வெச்சித்தான் கடைய நடத்திட்டு இருக்கேன்.. தெரியும்ல?

சங்கர்: ஓ அப்படியா..... படிச்ச மாதிரியே ஞாபகம் இல்லியே... நீங்க சிரிப்பு போலீஸ் ரமேஷ்தானே?

பன்னி: தக்காளி அப்படிப் போடு அருவாள.......... நீ கோக்குமாக்கா பேசும் போதே எனக்கு தெரியும்யா இந்தா மாதிரி ஏதாவது இருக்கும்னு........ ங்கொய்யால இது என்ன அந்தக் காலத்து லேண்ட்லைன் போனா யார்னு தெரியாம கால் பண்றதுக்கு? சாட்ல என்பேர் தான் வந்திட்டு இருக்குல்ல, அதுகூட தெரியாமையா இவ்ளோ நேரம் சாட் பண்ணீங்க?

சங்கர்: சாரி சார் சின்னத் தப்பு நடந்து போச்சு.

பன்னி: என்னடா சாரி.... பரதேசி பன்னாட... காலைலேயே மூட் அவுட் பண்ணிட்டியேடா ராஸ்கல்.... இனி ஒரு ஆஃப் அடிச்சாத்தாண்டா தெளியும்... ஆமா.. டேய்ய்.... நீ அந்த சங்கர்தானே? ங்கொக்காமக்கா..... உனக்கேன்டா இந்த வேல?

சங்கர்: அது வந்து சார், அவசரத்துல கவனிக்காம இப்படி பண்ணிட்டேன்

பன்னி: தம்பி நீ யாருன்னு எனக்கு நல்லா தெரிஞ்சு போச்சு..... ஒழுங்கா உண்மைய சொல்லிரு.... இல்லேன்னா ஏகப்பட்ட கெட்டவிளைவுகளைச் சந்திக்க வேண்டி வரும், நான் ஒரு பிரபல பதிவர் தெரியும்ல?

சங்கர்: அண்ணே மன்னிச்சிருங்கண்ணே, சிரிப்பு போலீஸ்தாண்ணே இப்படி பண்ண சொன்னாரு......... அஞ்சும் பத்துமா தர்ரேன், ஒவ்வொரு பிரபல பதிவரா சாட் பண்ணு, ஆஹா ஓஹோன்னு சொல்லு, கடைசில நீங்க சிரிப்பு போலீஸ் ரமேஷ்தானேன்னு கேட்டுட்டு வந்திருன்னாரு.....

பன்னி: ம்ம்.... அப்படி வாடி.......... இதான் மேட்டரா... சரி நீ போ... இத நான் டீல் பண்ணிக்கிறேன்.......

அய்யோ ராமா என்ன ஏன் இந்தமாதிரி கழிசடைங்க கூடலாம் கூட்டு சேக்குற....... நல்லா பாத்துக்குங்க மகாஜனங்களே.... இந்தப் பாவத்துக்குலாம் நான் ஆளாகவே மாட்டேன்...

அய்யய்யோ..... நான் பிரபல பதிவர் இல்லீங்கோ... நான் பிரபல பதிவர் இல்லீங்கோ... நான் பிரபல பதிவர் இல்லீங்கோ... ஆள விடுங்கடா சாமி.....!

நன்றி: கூகிள் இமேஜஸ்

பிரபல பதிவர்களின் பயங்கர டேட்டா

2012-01-02T10:37:00.000+05:30

ம்ம்... இது யாரா இருக்கும்?

பெயர் : பதிவர்

புனைப்பெயர் : பிரபல பதிவர்

தொழில் : பதிவு எழுதுதல்

உபதொழில் : தனக்கு ஓட்டு, கமெண்ட் போட்டவர்களுக்கு திருப்பி மொய் செய்தல்

தலைவர் : தலை இருக்கறவன்லாம் தலைவர்தான்...

துணைத்தலைவர் : வாக்களிப்பவர்கள் அனைவரும்

பொழுதுபோக்கு : புது பதிவர்களைத் தேடி ஃபாலோயராக சேர்ந்து தனக்கு ஃபாலோயர்கள் சேர்த்தல்

துணைப்பொழுதுபோக்கு : உள்குத்து பதிவுகள் போடுதல்

மேலும் பொழுதுபோக்கு : வில்லங்கமான தலைப்புகளை தேடிப்பிடித்தல்

வயது : இன்னும் சைட்டடிக்கும் வயசுதான்

பலம் : நண்பர்கள்

பலவீனம் : நண்பர்கள்

சமீபத்திய சாதனை : பதிவர் சந்திப்புகள்

நீண்டகால சாதனை : ஒருவழியாக காப்பி பேஸ்ட்டுகளை குறைத்தது

சமீபத்திய எரிச்சல் : சீரியஸ் பதிவர்களின் புலம்பல்கள்

நீண்டகால எரிச்சல் : ஹிட்ஸ் ஒரு அளவுக்கு மேல் அதிகரிக்காதது

நண்பர்கள் : ரெகுலர் வாக்காளர்கள், கமெண்ட்டாளர்கள்

எதிரிகள் : அட்வைஸ் பண்ணும் அனைவரும்

ஆசை : எப்போதும் குறையவே குறையாத ஹிட்ஸ்

நிராசை : வட்டத்தை விட்டு வெளியே செல்ல முடியாதது

நம்பிக்கை : பிரபல பிரபல பதிவர்

பயம் : பதிவுலகிற்கு செலவிடும் நேரம் தாறுமாறாக அதிகரித்து வருவது

லட்சியம் : அப்படின்னா?

இதுவரை மறந்தது : சீரியஸ் வாசிப்புகள்

இனி மறக்க வேண்டியது : ஹிட்ஸ், ஓட்டு….!

விரும்புவது : மொய் செய்யாமலே ஓட்டு, கமெண்ட்டு பெற...

விரும்பாதது : அதிக ஹிட்ஸ் கிடைக்கும் நேரம் தவறி பதிவு போடுவதை...

ஆதங்கம் : ஞாயிற்றுக்கிழைமை பதிவுலகிலும் ஹிட்ஸ் குறைவாக இருப்பது...

கலங்கித் தவிப்பது : தனிப்பட்ட நேரம் முழுக்க பதிவுலகிலேயே போவதை நினைத்து...

மகா ஜனங்களே நல்லா பார்த்துக்குங்க... இதுக்கும் எனக்கும் எந்த சம்பந்தமும் இல்ல....

அறிவிப்பு: டெம்ப்ளேட் கமெண்ட்டுகள் வரவேற்கப்படுகின்றன. கவலை வேண்டாம், எப்படியும் திருப்பி மொய் செய்யப்படும்....!

பதிவை படிக்க நேரம் இல்லாமல் (?) வெறும் கமெண்ட் மட்டும் போடுபவர்கள் வசதிக்காக சில டெம்ப்ளேட் கமெண்ட்டுகள் தரப்பட்டுள்ளது. அப்படியே காப்பி பேஸ்ட் செய்து கொள்ளலாம்.

கலக்கல்
சூப்பர்
அருமை
நல்ல பகிர்வு
ரைட்டு
:)
பதிவு அருமை
ஆஹா சூப்பர்
வாழ்த்துகள்
அருமை நண்பா
எப்படி சார் இப்படி....
கலக்குறீங்க தல...
ஹா..ஹா.....!

நன்றி கூகிள் இமேஜஸ், மற்றும் பிரபல பதிவர்கள்!

உங்களுக்கு என்ன பிரச்சனை?

2011-12-30T16:58:00.002+05:30

உங்களுக்கு முடி உதிர்கிறதா...? தலை வழுக்கையாகிறதா....? முடி அடர்த்தியே இல்லாமல் காணப்படுகிறதா...? அல்லது தலையில் முடியே இல்லையா....?

இனி கவலையே படவேண்டாம். எங்கள் எருமை மாட்டின் ஆயில் தேய்த்தால் எல்லா பிரச்சனையும் தீரும். உலகப்புகழ் பெற்ற அமேசன் காட்டு புதரில் வாழும் எருமை மாடுகளின் சாணியில் இருந்து எங்கள் ஆராய்ச்சியாளர்களால் பல்லாண்டு காலம் ஆய்ந்து கண்டறியப்பட்டு அயல்நாட்டில் இருந்து இறக்குமதி செய்யப்பட்டது இந்த எருமை மாட்டின் ஆயில்.

தேய்க்க ஆரம்பித்து மூன்றே மணிநேரத்தில் கொத்துக் கொத்தாக முடி முளைத்துவிடும். என்ன அதிர்ச்சியா இருக்கா? ஆமாம், இது அதிசயம் ஆனால் உண்மை. எங்கள் வாடிக்கையாளர்கள் பலர் பயன்படுத்தி பயனடைந்ததைப் பாருங்கள்!

எண்ணை உபயோகிக்கும் முன்

எங்கள் எருமை மாட்டின் எண்ணையை உபயோகித்து மூன்றே நாட்களில்

15999 ரூபாய் மதிப்புள்ள இந்த அற்புதமான எண்ணை உங்களுக்காக வெறும் 5999 ரூபாய்க்கே.

போனை எடுங்க உடனே அழைங்க, இந்தச் சலுகை இன்று மட்டுமே.

அழைக்க வேண்டிய எண்: 1800-ங்கொக்காமக்கா-1234

(இண்டர்நேசனல் ஹாட்லைன்)

**************

ஜிம்முக்கு போகாமல் இடையை ச்சீ எடையை குறைக்க வேண்டுமா? தினமும் 20 நிமிடம் வீட்டிலேயே இருந்து எங்கள் கார்ப்பிட் சைக்கிளிங் மெசினில் எக்சர்சைஸ் செய்தால், இரண்டே நாளில் சிக்ஸ் பேக், எய்ட் பேக் அனைத்தும் கரைந்து சிங்கிள் மூட்டையாகிவிடும். பின் உங்கள் கவர்ச்சி எக்கச்சக்கமாக அதிகரித்து நீங்கள் ஒரு சினிமா கதாநாயகன் ஆவது உறுதி.

கார்ப்பிட் சைக்கிள்

இந்த கார்ப்பிட் சைக்கிளை உபயோகிப்பது மிகவும் எளிதானது. ஸ்டாண்டு போட்டு நிறுத்தி ஏறி உக்கார்ந்து பெடலை அழுத்தினால் போதும். அந்த நாள் முதல் இந்த நாள் வரை பாடலை உங்கள் லேப்டாப்பில் போட்டுக்கொண்டு பெடலை அழுத்த ஆரம்பித்தால் பாடல் முடிவதற்குள் நீங்கள் ஆளே மாறிப்போய்விடுவது உறுதி!

கார்ப்பிட் சைக்கிளை உபயோகித்து அழகான தோற்றம் பெற்று சினிமாவில் கதாநாயகனாகிய எங்கள் வாடிக்கையாளர்

59, 999 ரூபாய் மதிப்புள்ளே இந்த கார்ப்பிட் சைக்கிள் உங்களுக்காக வெறும் 9,999 ரூபாய்க்கே....!
உடனே அழைப்பீர். சலுகை இன்று மட்டுமே.

அழைக்க வேண்டிய எண்: 1800-ங்கொக்காமக்கா-1234

(இண்டர்நேசனல் ஹாட்லைன்)

***********

தெரிந்தோ தெரியாமல் சிறுவயதில் செய்த தவறுகளினால் உங்களால் எதுவுமே முடியலியா? உடல் சிறுத்துப் போய் சோர்வாக தோற்றமளிக்கிறீர்களா? உற்சாகமே இல்லாமல் இருக்கிறதா? சாப்பாடு உடலில் ஒட்டவில்லையா? கை நடுங்குகிறதா? பயமாக இருக்கிறதா? வேதனைகளும் சோதனைகளும் கைகோர்த்து வருகிறதா?

கவலையே வேண்டாம், ஆறு தலைமுறைகளாக சேலத்திலேயே இருந்து ஆராய்ச்சி செய்து கண்டறிந்த வைத்தியமுறையால் உங்கள் அனைத்து பிரச்சனைகளும் ஐந்தே நிமிடத்தில் குணமடையும்.

எங்கள் வைத்தியமுறையின் படி உங்களுக்கென சிறப்பாக தயாரித்துக் கொடுக்கப்படும் கயிறை வாங்கி கழுத்தில் கட்டிக் கொண்டு தொங்கினீர்கள் என்றால் ஐந்தே நிமிடத்தில் அனைத்துப் பிரச்சனைகளும் தீர்வது உறுதி.

சாதா ட்ரீட்மெண்ட்: ரூ 5999

ஸ்பெசல் ட்ரீட்மெண்ட்: ரூ 9,999

சூப்பர் ஸ்பெசல் ட்ரீட்மெண்ட்: ரூ 15,999

அடுத்த விளம்பரத்தில் எங்களிடம் கயிறு வாங்கி தொங்கியவர்களின் பேட்டி எடுத்துப் போடப்படும், தவற விடாதீடாமல் பார்த்து மகிழுங்கள்!

அனைவருக்கும் இனிய புத்தாண்டு நல்வாழ்த்துகள் 2012!

நன்றி: கூகிள் இமேஜஸ், பவர் ஸ்டார்

டெரர் கும்மி விருதுகள் 2011 - இன்றுமுதல் பதிவுகளை இணைக்கலாம்!

2011-12-26T12:16:00.000+05:30

அனைவருக்கும் வணக்கம்,

சுனாமி என்ற ஆழிப்பேரலை கோரத்தாண்டவம் ஆடி 7 அண்டுகள் நிறைவடைந்துவிட்டன. இயற்கையின் ஆக்ரோஷ சக்தியை முழுமையாக உணர்ந்த தருணங்கள் அவை. சுனாமியால் வந்த பேரிழப்புகளும், துயர் துடைக்க நீண்ட ஆதரவுக்கரங்களும் என்றென்றும் மறக்கமுடியாதவை.

இனி நம் டெரர் கும்மி விருதுகள் பற்றிய இன்றைய அறிவிப்பினைக் காண்போம்.

முதல் முறையாக இதைப் படிப்பவர்கள் சிரமம் பாராமல் டெரர் கும்மி விருதுகள் அறிவிப்பு மற்றும் டெரர் கும்மி விருதுகள் போட்டி விதிமுறைகள் ஆகிய இரண்டு பதிவுகளையும் படித்துவிட்டு இதை தொடருங்கள். நாங்கள் ஏற்கனவே அறிவித்தபடி இன்று டிசம்பர் 26-ம் தேதி உங்கள் பதிவுகளை இணைப்பதற்கான அறிவிப்போடு வந்துள்ளோம்.

முதலில் நாங்கள் கொடுக்கும் இணைப்பை தொடுத்து எங்கள் போட்டிக்கான தளத்தை திறந்துகொள்ளுங்கள். அதில் உங்கள் மின்னஞ்சல் முகவரி கொடுத்து முதலில் பதிவு செய்து கொள்ளுங்கள். உங்களுடைய பதிவு ( ரெஜிஸ்டர் ) ஏற்றுக்கொள்ளப்பட்டுவிட்டால் விரைவில் உங்களுக்கு ஆக்டிவேசன் லிங்க் அனுப்பப்படும் என்ற தகவல் ( மெசேஜ் ) வரும். உங்கள் மின்னச்சல் முகவரிக்கு அந்த லிங்க் வரும்வரை தயவுசெய்து காத்திருங்கள். எதற்கும் உங்களுடைய ஸ்பேம் அல்லது ஜங்க் மெயிலையும் சோதனை செய்துகொள்ளுங்கள். மின்னஞ்சலில் ஆக்டிவேசன் லிங்க் கிடைக்கப்பட்டு அதை அழுத்தினால் நீங்கள் இப்போது பதிவுகளை இணைப்பதற்கு தயாராகிவிட்டீர்கள் என்று அர்த்தம்.

பதிவுகளை இணைப்பதற்கு இரண்டு பிரிவுகளாக வைத்துள்ளோம். பொதுப்பிரிவில் நீங்கள் விதிமுறைகளுக்கு உட்பட்ட மூன்று பதிவுகளை மட்டுமே இணைக்கமுடியும். அடுத்து புதுமுக பதிவர்களுக்கான பிரிவு. இதில் அவர்களின் சிறந்த பதிவாகக் கருதும் மூன்று பதிவுகளை இணைக்கலாம். மேலும் புதுமுக பதிவர்கள் மட்டும் பொதுப்பிரிவில் இணைத்த பதிவுகளையும் புதுமுக பிரிவில் இணைக்கலாம். பதிவுகளை இணைக்க கடைசி தேதி 2012 ஜனவரி 6 என்று விதிமுறைகளில் அறிவித்தோம். பல வாசகர்கள் தொடர்புகொண்டு விடுமுறை நாட்கள் அதிகம் வருவதால் கால அவகாசத்தை நீட்டிக்க சொன்னார்கள். அவர்களின் வேண்டுகோளுக்கு இணங்க 2012 ஜனவரி 10 வரை நீட்டிக்கப்படுகிறது. அதற்குப் பிறகு இணைக்கப்படும் பதிவுகள் பரிசீலனைக்கு ஏற்றுக்கொள்ளப்படமாட்டாது.

இதில் ஏதேனும் சந்தேகம் இருந்தால் எங்களுடைய விதிமுறைகள் பற்றிய பதிவை மீண்டும் ஒருமுறை படியுங்கள். இதையும் மீறி ஏதேனும் சந்தேகம் அல்லது பதிவு செய்வதில் ( ரெஜிஸ்டர் ) பதிவுகளை இணைப்பதில் பிரச்னை அல்லது குழப்பம் இருந்தால் தயங்காமல் கருத்துரைகளில் கேளுங்கள் அல்லது contest_2011@terrorkummi.com என்ற மின்னஞ்சல் முகவரிக்கு உங்கள் கேள்விகளை அனுப்புங்கள்.உங்களுக்கு உதவுவதற்காக நாங்கள் காத்திருக்கிறோம்.

இப்போது நீங்கள் செய்ய வேண்டியது சுலபமான ஒன்றுதான். கீழே கொடுக்கப்பட்டிருக்கும் இணைப்பை பயன்படுத்தி எந்த பிரிவில் உங்கள் பதிவுகளை இணைக்கப்போகிறீர்கள் என்று தேர்வு செய்து உங்கள் பதிவுகளைஇணைக்கவும். இணைப்பதற்கு முன் ஒரு முறைக்கு இரு முறை சரியான பிரிவில் சரியான பதிவை இணைக்கிறீர்களா என்று உறுதிப்படுத்திக்கொள்ளுங்கள், ஏனென்றால் ஒருமுறை இணைத்த பதிவை மறுமுறை மாற்ற இயலாது. மீண்டும் அனைவருக்கும் வாழ்த்துக்களை கூறிக்கொண்டு தொடர்ந்து உங்களோடு இணைந்திருக்கிறோம். நன்றி.

"பதிவுகளை இணைக்க இங்கே அழுத்துங்கள்"

நன்றி..!

மாங்கா மரத்துல ஆப்பிள்....!

2011-12-21T14:39:00.000+05:30

பாபுவும் ரமேசும், போன நூற்றாண்டுல சின்னப்பசங்களா இருந்தப்ப நடந்தது இது. ரமேசு அவங்க வீட்டுப் பக்கத்துல இருந்த ஒரு மாங்கா மரத்துல வேக வேகமா ஏறுனான்..... அங்க ஏற்கனவே பாபு ஏறி மாங்கா களவாண்டுக்கிட்டு இருந்தாரு. ரமேசைப் பார்த்துட்டு

பாபு: டேய்.. டேய்ய்... இங்க ஏன்டா வந்தே?

ரமேஷ்: ஆப்பிள் சாப்பிட.......

பாபு: அடிங்க...... இது மாமரம், இதுல மாங்கா தான் இருக்கும்....

ரமேஷ்: பரவால்ல.... இப்படியெல்லாம் ஆகும்னு தெரிஞ்சுதான் நான் கையோட ஆப்பிள் கொண்டு வந்திருக்கேன்.....

பாபு: ??!!**???

**********

டெரர் பாண்டியன் அப்போ ஸ்கூல் (!) படிச்சிட்டு இருந்தார்.

டீச்சர்: கிபி 1773 ல தான் ஆக்சிஜனை கண்டுபுடிச்சாங்க தெரியுமா?

டெரர்: நல்ல வேள நான் அதுக்கு முன்னாடி பிறக்கலை, இல்லேன்னா மூச்சு முட்டி செத்திருப்பேன்...

டீச்சர்: ?*?

**********

வைகை கணக்குப்பாடம் படிச்சிட்டு இருந்தாரு. அப்போ

டீச்சர்: டேய் ஏன் தரைல உக்காந்து கணக்கு போடுறே?

வைகை: நீங்கதானே டீச்சர் டேபிள்ஸ் யூஸ் பண்ணாம கணக்கு போட சொன்னீங்க?

**********

டீச்சர்: டேய் ரமேஷ்... ஏன் இங்க வந்தே, உன்னை லைன் கடைசில தானே நிக்க சொன்னேன்?

ரமேஷ்: லைன் கடைசில ஏற்கனவே ஒருத்தன் நிக்கிறான் டீச்சர்........

டீச்சர்: ??!!??**!

**********

டெரரும் செல்வாவும் காட்டுப்பக்கமா நடந்து போய்ட்டு இருந்தாங்க, அப்போ அந்தப்பக்கமா வந்த ஒரு சிங்கம் அவங்களைப் பாத்து உறுமுச்சு. பார்த்தா சிங்கம் ரொம்ப பசியாவும், கோபமாவும் அவங்களை தாக்க தயாராகிட்டு இருந்துச்சு. உடனே செல்வா வேக வேகமா பேக்ல வெச்சிருந்த ஸ்போர்ட்ஸ் ஷூவை எடுத்து மாட்டிக்கிட்டான்.

டெரர்: டேய்.. செல்வா.. ஏன்டா இந்த டைம்லேயும் இப்படி காமெடி பண்றே... ஷூவ போட்டுக்கிட்டா சிங்கத்தவிட வேகமா ஓடிடுவியா?

செல்வா: இல்லண்ணா... சிங்கத்த விட வேகமா ஏன் ஓடனும்... உங்களைவிட வேகமா ஓடுனா போதும்ல....?

**********

வைகை: என்னடா உன் சாக்ஸ் ரொம்ப வித்தியாசமா இருக்கு, அந்தக் காலு செகப்பாவும் இந்தக்காலு பச்சை கலராவும் இருக்கு?

ரமேஷ்: ஆமாடா எனக்கே ஆச்சர்யமாத்தான் இருக்கு, புதுசா இப்படி வந்திருக்கு போல, இது மட்டுமில்ல, இதே மாதிரி இன்னொரு ஜோடி சாக்ஸ் வீட்ல இருக்கு, அதுவும் இதே மாதிரி ஒண்ணு செகப்பும் ஒண்ணு பச்சையுமாத்தான் இருக்கு....!

**********

இதுல தொங்குறது வேற யாருமில்ல, நம்ம சிரிப்பு போலீசுதான், அவருக்கு தப்பிக்க ஒரு வழி சொல்லுங்க பார்ப்போம்....?

நன்றி: ஜோக்குகளும் படமும் மெயிலில் வந்தவையே.....!

இதெல்லாம் நல்லதுக்குங்கிறே....?

2011-12-19T15:57:00.000+05:30

ஞாபகம் வருதே... ஞாபகம் வருதே...

பார்த்தீங்களா என் பவரை....?

இது எத்தன நாளைக்குன்னு பார்க்கிறேன்....!

இதுக்கு என்னய்யா அறிக்கை விடுறது...?

யாரும் எதையும் பண்ணட்டும், நாம நம்ம வேலைய பார்ப்போம்...!

இப்போ போய் அம்மா கிட்ட மன்னிப்பு கேட்கலாமா வேணாமா?

பயப்படாதீங்க ரசிகர்களே, லத்திகா தொடர்ந்து ஓடும்...

மாப்பி.. இதெல்லாம் நல்லதுக்குங்கிறே....?

புகைப்படங்களுக்கு நன்றி கூகிள் இமேஜஸ்...!

டெரர் கும்மி விருதுகள் 2011

2011-12-12T11:35:00.000+05:30

நண்பர்கள் அனைவரும் டெரர்கும்மி என்ற எங்கள் குழுவை அறிந்திருப்பீர்கள். இணையத்தில் பதிவர்களாக அறிமுகமாகி, பழகி, நட்பால் இணைந்து உருவான குழு அது. டெரர்கும்மி குழுவின் வலைப்பூ தொடங்கப்பட்டு நண்பர்கள், வாசகர்கள் ஆதரவுடன் வெற்றிகரமாக ஒரு ஆண்டினை நிறைவு செய்ததைக் கொண்டாடும் முகமாக இந்த வருடத்தில் வந்த சிறந்த பதிவுகளைக் கண்டறிந்து ஊக்குவித்து பரிசு வழங்குவதாக முடிவு செய்திருக்கிறோம்.

பதிவுகளை பத்து பிரிவுகளாக வகைப்படுத்தி இருக்கிறோம்.. இப்போது நீங்கள் செய்ய வேண்டியது ஒன்றே ஒன்றுதான்.. இந்த வருடம் ஜனவரி முதல் தேதியில் இருந்து டிசம்பர் இறுதி வரை பதிவிடப்பட்ட/பதிவிடப்போகும் உங்களுடைய பதிவுகளில் சிறந்த பதிவு எந்த பிரிவின் கீழ் வருகிறது என்று பார்த்து தேர்ந்தெடுத்து வையுங்கள். எப்படி எங்களுக்கு அனுப்புவது என்று அறிவிப்பு வந்தவுடன் அதன்படி அனுப்புங்கள்.

ஒவ்வொரு பிரிவிற்கும் இரண்டு நடுவர்களை நாங்கள் தேர்ந்தெடுத்துள்ளோம் அவர்களால் தேர்ந்தெடுக்கப்படும் சிறந்த இரண்டு இடுகைகளுக்கு (ஒவ்வொரு பிரிவிலும்) டெரர் கும்மி விருதுடன் முதல் பரிசும் இரண்டாம் பரிசும் வழங்கப்படும்! அனைத்துப் பிரிவுகளுக்கும் சேர்த்து மொத்த பரிசுத்தொகை RS 10000/-

1 . நகைச்சுவைப் பதிவுகள்.

இந்த பிரிவின் கீழ் உங்கள் ஆகச்சிறந்த நகைச்சுவை படைப்பு என்று கருதும் எந்த படைப்பையும் இணைக்கலாம்! உங்கள் பதிவுகளை தேர்ந்தெடுக்க இரண்டு நகைச்சுவை ஜாம்பவான்கள் தயாராக இருக்கின்றனர்! இன்னும் என்ன தாமதம்? கிளப்புங்கள் பட்டையை :-)

2 . கவிதைகள்

இந்த பிரிவின்கீழ் உங்கள் கவிதைகளை இணைக்கலாம். கவிதை என்றால் அது எந்த வடிவமாக இருந்தாலும் கவலை வேண்டாம் மரபுக் கவிதை, புதுக்கவிதை இப்படி தனித்தனிப் பிரிவுகள் இல்லை. எப்படிப்பட்ட கவிதையையும் எங்களிடம் தாருங்கள். அதில் இருந்து சிறந்த முத்துக்களை தேர்ந்தெடுக்க எங்கள் கவிஞர்கள் தயாராக உள்ளனர்!

3 . விழிப்புணர்வு

இந்தப் பிரிவின் கீழ் உங்கள் விழிப்புணர்வு பதிவுகளை இணைக்கலாம்.. விழிப்புணர்வு என்றால் அது சமூகம், சுற்றுச்சூழல், கல்வி, மொழி இப்படி எதைப்பற்றி வேண்டுமானால் இருக்கலாம்! உங்கள் பதிவு சமூக மாற்றத்திற்கு சின்ன விதையை விதைக்கும் என்று கருதினால் அதை தயங்காமல் எங்களிடம் இணையுங்கள்! சிறந்ததை தேர்ந்தெடுக்க எங்கள் நடுவர்கள் தயாராக உள்ளனர்!

4 . கதைகள்

இந்தப் பிரிவின் கீழ் சிறந்த கதை என்று நீங்கள் நினைக்கும் உங்கள் கதைகளை இணைக்கலாம்! கதைக்களன் எதைப்பற்றி வேண்டுமானாலும் இருக்கலாம்... சமூகம், குடும்பம், க்ரைம், த்ரில்லர் இப்படி.. அப்பறம் என்ன தயக்கம்? உடனே தயாராகுங்கள்! (தொடர்கதைகளுக்கு அனுமதி இல்லை, மன்னிக்கவும்)

5 . அனுபவம்/பயணக்கட்டுரை

இரண்டு பெயர் கொண்ட தலைப்பை பார்த்து குழம்ப வேண்டாம்.. சிலர் ஒரு கடைக்குச் சென்று வந்த அனுபவத்தைக் கூட அழகாகச் சொல்லியிருப்பார்கள்... சிலர் ஒரு இடத்திற்கு போய் வந்தால் அவர்களின் கட்டுரையின் வாயிலாக நம்மையும் அந்த இடத்திற்கே அழைத்துச் செல்வார்கள்! உங்கள் பதிவுக்கு இப்படி ஒரு தகுதி உண்டென்று நீங்கள் நினைத்தால் தயங்காமல் பதிகளை இந்த பிரிவின்கீழ் இணைக்கலாம்!

6 . அரசியல் கட்டுரை

கடந்த கால அரசியல் ஆகட்டும் சம கால அரசியல் ஆகட்டும், இரண்டைப் பற்றியும் திறம்பட எழுதக்கூடிய பதிவர்கள் நம் பதிவுலகத்தில் எத்தனையோ பேர் உள்ளனர். இப்படி ஒரு பதிவாக உங்கள் பதிவு இருக்கும் என்று நீங்கள் நினைத்தால் தயங்காமல் இந்த பிரிவின் கீழ் இணைத்துவிடுங்கள்!

7 . திரை விமர்சனம்

இன்று இயக்குனர்கள் கூட நம் பதிவர்களுக்கு சிறப்பு காட்சிகள் ஏற்பாடு செய்யும் நிலைக்கு நம் பதிவர்களின் விமர்சனம் தரமாகவும் நடுநிலையாகவும் இருக்கின்றது! மோசமான திரைப்படத்தின் விமர்சனத்தைக் கூட நல்ல விமர்சனம் என்று சொல்ல வைக்கும் வகையில் எழுதக்கூடியவர்கள் இங்கு அதிகம். இப்படி ஒரு விமர்சனத்தை நீங்கள் எழுதியிருந்தால் இந்த பிரிவின்கீழ் இணைத்துவிடுங்கள்!

8 . தொழில்நுட்பம்

தொழில்நுட்ப பிரிவில் கம்ப்யூட்டர் சாப்ட்வேர் சம்பந்தமான பதிவுகள் மட்டுமல்லாது, அறிவியல், விஞ்ஞானம் சம்பந்தப்பட்ட பதிவுகளையும் இணைக்கலாம். கணினி சம்பந்தமான அனைவருக்கும் தெரிந்த விளக்கம் அளிக்கும் பதிவுகளாக அல்லாமல் வளர்ந்து வரும் தொழில்நுட்ப உலகில் புதிதாக அறிமுகமாகும் கணினி மென்பொருள்களை பற்றி விளக்குவதாகவும், அறிவியல், விஞ்ஞானம், தொழில்நுட்பம் சம்பந்தமான எல்லோருக்கும் புரியும்படியான கட்டுரைகளாகவும் இருத்தல் நலம்.

9 . சிறந்த புதுமுக பதிவர்கள்

நீங்கள் இந்தவருடம் ( 2011 ) ஜனவரி முதல் தேதிக்கு பிறகு பதிவுலகிற்கு வந்து வாசகர்களிடம் நல்ல வரவேற்பை அல்லது அவர்களால் கவனிக்கப்படாமல் போன நல்ல பதிவுகளை நீங்கள் எழுதியிருக்கிறீர்கள் என்று நினைத்தால் தயங்காமல் இந்த பிரிவின் கீழ் இணைத்துவிடுங்கள்! உங்களை அங்கீகரிக்க நாங்கள் தயாராக உள்ளோம்! இதற்கு நீங்கள் எந்தக் குறிப்பிட்ட இடுகையையும் இணைக்க வேண்டாம். உங்கள் தளத்தின் முகவரியை மட்டும் இணைத்தால் போதுமானது. மற்றதை எங்கள் நடுவர்கள் பார்த்துக்கொள்வார்கள்!

10 . ஹால் ஆஃப் ஃபேம் பதிவர்.

இந்த பிரிவில் நீங்கள் இணைக்கமுடியாது. இது இந்த வருடம் முழுவதும் தொடர்ச்சியாக பல துறைகளிலும் படிக்க சுவாரஸ்யமான பதிவுகள் தந்த பதிவர் ஒருவரை அடையாளம் காட்டும் முயற்சி! இது முழுக்க முழுக்க டெரர் கும்மி நண்பர்கள் நாங்கள் பதினாறு பேரும் ஒவ்வொருவரை நாமினேட் செய்து அதில் இருந்து ஒரு சிறந்த பதிவரை தேர்ந்தெடுக்க முடிவு செய்துள்ளோம். இதில் எங்களுக்கு என்று சில விதிகளை வகுத்துள்ளோம். இந்த பிரிவு மட்டும் முழுக்க டெரர் கும்மி முடிவு சார்ந்தது!

மேலே குறிப்பிட்ட பிரிவுகளில் 10 வது பிரிவான ஹால் ஆஃப் ஃபேம் பதிவரை தேர்ந்தெடுப்பது மட்டுமே டெரர் கும்மி உறுப்பினர்கள். மீதமுள்ள ஒன்பது பிரிவுகளும் டெரர் கும்மியில் உறுப்பினர் அல்லாத நடுவர்களாலேயே தேர்ந்தெடுக்கப்படும்... மேலும் எந்த ஒரு பிரிவிலும் டெரர்கும்மி உறுப்பினர்கள் யாரும் இந்தப் போட்டியில் கலந்து கொள்ள மாட்டார்கள் என்று தெரிவித்துக் கொள்கிறோம். இது வரை நீங்கள் கொடுத்து வந்த ஆதரவை இனிமேலும் கொடுப்பீர்கள் என்ற நம்பிக்கையோடு உங்களிடம் இருந்து இப்போது விடைபெறுகிறோம்!

நன்றியுடன்

டெரர் கும்மிக்காக,

பன்னிக்குட்டி ராம்சாமி

கதையின் கதை... (சவால் சிறுகதை 2011)

2011-10-30T13:47:00.002+05:30

இது சவால் சிறுகதைப் போட்டி 2011-க்கான எனது இரண்டாவது சிறுகதை.

சந்திரன் அந்த போட்டோவை வைத்த கண் வாங்காமல் பார்த்துக் கொண்டிருந்தான். அது அவன் கையில் நேற்று மாலையிலிருந்து இருந்து கொண்டிருந்தது. தலைகீழாக, சைடாக என்று எல்லாப்பக்கமும் திருப்பித் திருப்பி பார்த்து யோசித்து விட்டான். ஒன்றும் பிடிபடவில்லை. படத்தில் இரு துண்டு பேப்பர்கள் இருந்தன. ஒன்றில் எஸ்.பி. கோகுலுக்கு ஒருவர் S W H2 6F என்ற குறியீட்டை அனுப்பி இருக்கிறார், இன்னொன்றில் அது தவறான குறியீடு என்று இன்னொருவருக்கு சொல்லி இருக்கிறார். அதை பார்த்துக் கொண்டிருப்பவரின் கையில் இருக்கும் செல்போனில் விஷ்ணு இன்ஃபார்மரிடம் இருந்து அழைப்பு வந்து கொண்டிருக்கிறது. அது ஒரு தொடுதிரை செல்போன் என்று தெரிந்தது, ஆனால் போன் என்ன பிராண்டு, மாடல் என்று கண்டுபிடிக்க முடியவில்லை. அப்புறமாக வெளியில் ஏதாவது ஒரு செல்போன் கடைக்குச் சென்று தேட வேண்டும் என எண்ணிக் கொண்டான். மேசை மீது ஒரு ஸ்டீல் ஸ்கேலும் வெள்ளைக்காகிதமும் இருக்கிறது. அவ்வளவுதான். இதைத்தான் அவன் நேற்று மாலையில் இருந்து யோசித்துக் கொண்டிருக்கிறான்.

செல்போனைக் கையில் வைத்திருப்பவர் ஒரு ஆண் என்று அவரது கையும் தலையும் உணர்த்தின. இடது கையில் வாட்ச் கட்டி இருக்கிறார். நீலக் கலர் ஸ்ட்ராப். வாட்ச் அந்தப் பக்கமாக இருப்பதால் என்ன பிராண்ட், டிஜிட்டல் வாட்சா, அப்போ நேரம் என்னவென்றும் எதுவும் தெரியவில்லை. வெளிச்சத்தை வைத்துப் பார்க்கும் போது அது இரவு நேரமாக இருக்கலாம் என்றும் தோன்றுகிறது. ஆனால் கேமரா ப்ளாஷ் லைட்டுகள் எப்போதும் குழப்பிவிடும். வெள்ளைக் காகிதம் குறிப்புகள் எதுவும் எழுதுவதற்காக அந்த காகிதம் வைக்கப்பட்டிருக்கலாம்.

கனவில் கூட அந்த S W H2 6F என்ற குறியீடுகள் வந்து ஆட்டம் போட்டன. அப்போதாவது ஏதாவது க்ளூ கிடைக்குமா என்று எழுந்து உக்கார்ந்து யோசித்துக் கொண்டிருந்தான். விஷ்ணு என்பவன் ஒரு இன்ஃபார்மர். அது போட்டோவிலேயே இருக்கிறது. இன்ஃபார்மர் என்றால் அவனுக்குத் தெரிந்த வரை காவல் துறைக்கு ரகசியமாக தகவல் கொடுப்பவர்கள்தான். அந்த துண்டு காகிதத்தில் எஸ்.பி. கோகுல் என்று வேறு இருக்கிறது, எனவே இது நிச்சயமாக காவல் துறை சம்பந்தப்பட்டதுதான். அதுவேறு அவனுக்கு கொஞ்சம் பயமாக இருந்தது. ஏதாவது பெரிய இடத்து வில்லங்கமான சமாச்சாரமாக இருக்குமோ என்று தோன்றியது.

அவனுக்கு திடீரென விக்கியின் ஞாபகம் வந்தது. விக்கியும் சந்திரனும் பள்ளி செல்லும் காலத்தில் இருந்தே தோழர்கள். விக்கி நன்றாக பேசும் திறமை உடையவன் யாரையும் எளிதில் கவர்ந்து விடுவான். அவன் இருக்கும் இடம் எப்போதும் நண்பர்கள் சூழ கலகலப்பாக இருக்கும், இப்போது விக்கி பெரிய அரசியல்வாதி. சந்திரனுக்கு இந்த அரசியல், பரபரப்பு எதுவும் பிடிக்காது அதனால் அவனிடம் இருந்து சற்று ஒதுங்கியே இருந்தான். ஆனால் இப்போது வேறு வழியில்லை, விக்கியைத்தான் உதவி கேட்க வேண்டும் போல. உடனே செல்போனை எடுத்து விக்கியை அழைத்தான். விபரத்தைச் சொன்னான். விக்கி உடனே அன்று மாலை வந்து பார்ப்பதாகச் சொல்லி போனை கட் செய்தான்.

மாலை வரை என்ன செய்வது? அதற்குள் தன்னால் முடிந்தவரை தகவல் சேகரிக்கலாம் என்று முடிவு செய்தான். முதலில் ஒரு செல்போன் ஷோரூமிற்குச் சென்று அது என்னவகை செல்போன் என்று கண்டுபிடிக்க வேண்டும். அருகில் இருந்த கடைக்குச் சென்றான். போட்டோவை அங்கே அவர்களிடம் காண்பிக்க தயக்கமாக இருந்தது. கடையில் இருந்த ஒவ்வொரு போன் மாடலாகத் தேடினான். ஒன்றும் சிக்கவில்லை. நேரம் வேறு ஆகிக் கொண்டிருந்தது. வேறு என்ன செய்யலாம்?

அந்த குறீயீடுகளை வைத்து கூகிளில் தேடலாமா? ஆகா நல்ல யோசனை உடனே செயல்படுத்த வேண்டியதுதான் என்று அவசரமாக வீட்டுக்கு வந்தான். அங்கே மின்சாரம் இல்லை. எப்போது வரும் என்றும் தெரியாது. வீணாப்போன லேப்டாப் பேட்டரி முடிந்து போய் பலமாதங்களாகிறது. எரிச்சலுடன் வெளியில் வந்தான். டீக்கடைக்கு சென்றான். ஒரு டீ சொல்லிவிட்டு தினத்தந்தியை எடுத்துக் கொண்டு பெஞ்சில் உக்கார்ந்தான். என்ன செய்யலாம். ராகினி வேறு மிக அவசரம் இன்றே கண்டுபிடிக்க வேண்டும் என்று சொல்லி இருக்கிறாள். இந்த விக்கி வேறு மாலைதான் வருவேன் என்றூ சொல்லிவிட்டான். அதற்குள் ராகினிக்கு எதுவும் ஆகிவிடுமோ....? அந்த நினைப்பே பயங்கரமாக இருந்தது. ராகினி கொஞ்சம் துடிப்பான பெண், ஏதாவது சமுதாயம், பிரச்சனை என்று பேசிக் கொண்டிருப்பவள். இப்போது நினைத்தவுடன் அவளுக்கு போன் செய்யவும் முடியாது. ஏற்கனவே அவர்கள் வீட்டில் சந்தேகப்பட ஆரம்பித்துவிட்டார்கள். அதனால் நானாக மேசேஜ் கொடுக்கும் வரை எனக்கு போன் பண்ணவே கூடாது என்று வேறு கண்டிப்பாகச் சொல்லி இருந்தாள் ராகினி.

ஆனால் சந்திரனால் அமைதியாக இருக்க முடியவில்லை. டீயைக் கேன்சல் செய்து வசவுகளை வாங்கிக் கொண்டு வீட்டிற்கு வந்து சேர்ந்தான். வேகமாக தன் அறைக்குள் சென்று தாழிட்டுக் கொண்டான். காதல் என்ன ஆனாலும் பரவாயில்லை அவளுக்கு எதுவும் ஆகிவிடக் கூடாது என்று முடிவு செய்து அவளை அழைத்தான். இரண்டாவது ரிங்கிலேயே எடுத்தாள். இரு அப்புறம் கூப்பிடுகிறேன் என்று கிசுகிசு குரலில் கூறிவிட்டு கட் பண்ணிவிட்டாள். எரிச்சலாக வந்தது. நீண்ட பெருமூச்சுவிட்டபடி அயர்ந்து போய் பெட்டில் சாய்ந்தான். இரவு சரியான தூக்கம் இல்லாததால் அப்படியே கண்ணயர்ந்தான்.

எவ்வளவு நேரம் அப்படியே தூங்கினானோ திடீரென போன் அடித்தது. பதறித் துடித்து எழுந்து எடுத்தால் விக்கி லைனில் இருந்தான். அந்த எஸ்பி பெயர், ஏரியா கேட்டான். ஏரியா தெரியாது என்று சந்திரன் சொன்னதும் கொஞ்சம் எரிச்சல் பட்டான் விக்கி. யார், என்னவென்று கண்டுபிடிக்க கொஞ்சம் தாமதமாகும் என்று கூறிவிட்டு போனை வைத்துவிட்டான். பாவம் சந்திரன் எஸ்.பி கோகுல் எந்த ஏரியா என்று அவனுக்கு தெரிந்தால்தானே சொல்லுவான். இப்போது எல்லா வழிகளும் அடைபட்டுவிட்டது போ இருந்தது. இனி அவனால் செய்ய இன்றுமில்லை. சற்று அமைதியாக அம்ர்ந்திருந்தான்.

சிறிது நேரத்தில் மின்சாரம் வந்தது. உடனே பாய்ந்து சென்று லேப்டாப்பை உயிர்ப்பித்தான். படபடவென கூகிளில் S W H2 6F என்று அடித்தான். அதற்குள் மறுபடியும் செல்போன் கதறியது. எடுத்தால் ராகினி. ராகினி நேரடியாக விஷயத்துக்கு வந்தாள். அந்த போட்டோவை வைத்து ஏதாவது விஷயம் கண்டு புடிச்சியா என்று கேட்டாள். இதுவரை ஒன்றும் தேறவில்லை என்றான் சந்திரன். செல்லமாகத் திட்டினாள் ராகினி. அதையெல்லாம் ரசிக்கும் மனநிலையில் இப்போது அவன் இல்லை. எரிச்சலோடு, அந்த போட்டோவில் என்னதான் பிரச்சனை, ஏன் பெரிய இடத்து பிரச்சனைகளில் தலையிடுகிறாய்? உனக்கு ஒன்றுமில்லையே என்று படபடவென கேட்டான். ராகினி உடனே அந்த போட்டோவை வைத்து உடான்ஸ் திரட்டியும் பதிவர் பரிசல்காரனும் இணைந்து சிறுகதைப் போட்டி ஒன்றை நடத்துகிறார்கள், நானும் ஒரு கதை எழுதலாம் என்று இருக்கிறேன் அதற்குத்தான் உன்னிடம் க்ளூ கேட்டேன் என்றாள். சந்திரனுக்கு சுர்ரென கோபம் வந்தது. இதை முதலிலேயே சொல்ல வேண்டியதுதானே என்றான். முதலில் சொல்லி இருந்தால் வித்தியாசமான சிந்தனைகள் வராது என்றுதான் சொல்லவில்லை என்றாள் ராகினி.

சந்திரன் கடுப்படைந்து கண்டபடி. திட்ட ஆரம்பித்தான். அதற்கிடையில் பீப் பீப் என்று இன்னொரு கால் வந்தது. பார்த்தால் விக்கி அழைத்துக் கொண்டிருந்தான். ராகினியை ஹோல்டில் வைத்து விட்டு விக்கியின் அழைப்பை எடுத்தான்.

”ஹலோ சந்திரா, எஸ்.பி. கோகுலை கண்டுபிடிச்சிட்டேன், நம்ம பக்கத்து ஏரியாதான், இப்போ அவர் ஸ்டேசன்லதான் இருக்கேன், சீக்கிரம் கிளம்பி வா...”

சந்திரனுக்கு தலை சுற்றியது... நா வறண்டது பேச வாய் வரவில்லை...

”ஹலோ...”

”ஹலொ...”

சந்திரன் மயங்கி விழுந்து கொண்டிருந்தான்.

உளவுத்துறை... (சவால் சிறுகதை-2011)

2011-10-29T23:35:00.002+05:30

சவால் சிறுகதைப் போட்டி 2011-க்கான சிறுகதை இது, எனவே கவனமாக படிக்கவும்.

போலீஸ் இன்ஃபார்மர் விஷ்ணு எஸ்.பி. கோகுலுக்கு அனுப்பிய மெசேஜும், இன்னொருவருக்கு அனுப்பிய மெசேஜும் டேபிளில் இருந்தது. ஐஜி ரத்னவேல் இரண்டு தகவல்களையும் திரும்பத் திரும்ப பார்த்துக் கொண்டிருந்தார். அப்போது செல்லில் விஷ்ணுவிடம் இருந்து அழைப்பு வந்தது, யோசித்துவிட்டு அழைப்பை நிராகரித்தார். சிறிது காலமாகவே விஷ்ணுவின் நடவடிக்கைகள் மீது அவருக்கு சந்தேகம் ஏற்பட்டு வந்தது. அவனுடைய செல்பேசியை ட்ராக் செய்ய ஏற்பாடு செய்திருந்தார். அதில் இருந்து கிடைத்தவைதான் இந்தத் தகவல்கள். எஸ்பி கோகுலும் விஷ்ணுவும் தூரத்து சொந்தம். அதன் அடிப்படையிலேயே விஷ்ணுவை போலீஸ் இன்ஃபார்மராக வைத்திருந்தார்கள். கோகுலிடம் தவறான குறியீட்டை கொடுத்திருக்கிறேன் என்று விஷ்ணு கூறிய ஆள் யார் என்றுதான் தெரியவில்லை. அந்த செல் நம்பர் தவறான அட்ரஸ் கொடுத்து வாங்கப்பட்டிருந்தது.

இப்போது அந்த செல் அணைத்து வைக்கப்பட்டிருப்பதாக வேறு கூறி இருக்கிறார்கள். எனவே ஏதோ தவறு நடந்து கொண்டிருக்கிறது என்பது தெளிவாகத் தெரிந்தது. இனி வேறு வழியில்லை. விஷ்ணுவைத்தான் விசாரிக்க வேண்டும். அந்த நினைப்பே ரத்னவேலுவிற்கு மிகுந்த பதட்டமாக இருந்தது. ஏனென்றால் விஷ்ணுவை வைத்து ஏராளமான ரகசியத் திட்டங்கள் நடத்தி இருந்தார்கள், மேலும் ஒரு முக்கியமான மேலிடத்தின் நேரடி ஆணையில் வந்த ஒரு உளவு வேலையையும் விஷ்ணுதான் செய்துகொண்டிருந்தான். இப்படி ஒரு சூழ்நிலையில் விஷ்ணுவிடம் ஏதோ தவறு இருப்பதாக தோன்றியது அவருக்கு கவலை அளிப்பதாக இருந்து. சாமர்த்தியமாக கையாண்டு பிரச்சனையைத் தீர்க்க வேண்டும் என்று முடிவு செய்தார்.

சிபிசிஐடியில் எஸ்பியாக இருக்கும் கனகராஜ் ரத்னவேலுவிற்கு மிக நெருக்கமானவர். அவரை அழைத்து முழுவிபரத்தையும் சொல்லி ரகசியமாக விசாரிக்கச் சொன்னார். முக்கியமாக இது எஸ்.பி. கோகுலுக்கு தெரியக் கூடாது என்றும் சொல்லிவிட்டார். பின்னர் அதற்கடுத்த வாரம் விஷ்ணுவை அவர் வழக்கமாகச் சந்திக்கும் சவேரா ஹோட்டலின் தனி அறைக்கு வரச் சொல்லி சந்தித்துப் பேச முடிவு செய்தார். அங்குதான் அவர்கள் மிக முக்கியமான சந்திப்புகளுக்குச் செல்வார்கள். ஐஜி மறக்காமல் தன் பிஸ்டலை எடுத்து வைத்துக் கொண்டார்.

தனக்கு மிகவும் நம்பகமான சிபிசிஐடி இன்ஸ்பெக்டர்கள் இருவரை அந்த ஹோட்டலுக்கு முன்பே அனுப்பிவைத்தார். முக்கியமான ரகசிய சந்திப்புகளின் போது பாதுகாப்புக்காக அவர்கள் இவ்வாறு செல்வது வழக்கம். அவர்கள் அங்கே ஹோட்டலின் லாபியிலும் ரெஸ்ட்டாரண்ட்டிலுமாக இருந்து நோட்டமிட்டுக் கொண்டிருப்பார்கள். காவல்துறைக்கு விசுவாசமாக இருந்து தடம் புரண்டவர்களை ரகசியமாக சந்திப்பது ஆபத்தானது என்று ஐஜி நன்கு அறிவார். அதனாலேயே இது போன்ற முன்னேற்பாடுகளைச் செய்து கொண்டார்.

அவர் ஹோட்டலைச் சென்றடைந்த போது இரவு 8 மணிக்கு மேல் ஆகிவிட்டிருந்தது. இன்னும் விஷ்ணு வந்திருக்கவில்லை. சிபிசிஐடி இன்ஸ்பெக்டர்களுக்கு சமிக்ஞைகள் கொடுத்துவிட்டு தனி அறைக்கு வந்து சேர்ந்தார். அவருக்குப் பிடித்தமான பாகார்டி வித் செவன் அப் வந்தது. விஷ்ணுவிற்கும் அதுவே பிடித்தமானது என்பதால் இருவருக்குமாக சேர்த்தே ஆர்டர் செய்திருந்தார். அப்போது லாபியில் இருந்த சிபிசிஐடி இன்ஸ்பெக்டர், விஷ்ணு உள்ளே வந்து கொண்டிருப்பதாகவும் கூடவே எஸ்.பி கோகுலும் இருப்பதாக தெரிவித்தார்.

ஐஜி ரத்னவேலுவிற்கு சட்டென கோபம் வந்தது. ரகசிய சந்திப்பு என்று விஷ்ணுவிடம் சொல்லி இருக்க அவன் எதுக்கு எஸ்.பியை கூட்டி வருகிறான். என்னதான் சொந்தக்காரன் என்றாலும் இப்படியா? அவன் தான் அப்படி என்றால் எஸ்.பிக்கு யோசனை வேண்டாம்? உயரதிகாரி ஒரு ரகசிய சந்திப்பிற்கு ஏற்பாடு செய்திருக்கும் போது இப்படியா செய்வது என்று எண்ணியவராக கையில் இருந்த கிளாசை காலி செய்தார். கதவு தட்டும் சத்தம் கேட்டது. பார்த்தால் விஷ்ணு மட்டும் நின்று கொண்டிருந்தான்.

உள்ளே வரச்சொல்லிவிட்டு கோகுல் எங்கே என்று கேட்டார் ரத்னவேல். விஷ்ணுவின் கண்களில் நேனோ நொடியில் அதிர்ச்சி மின்னிச் சென்றதைக் கவனித்து விட்டார் ஐஜி. என்னிடம் நீங்கள் கோகுலை வரச்சொல்லவில்லையே என்றான் விஷ்ணு. ஐஜி குரலை உயர்த்தினார். இப்போ கோகுல் உன்கூட ஹோட்டலுக்கு வந்தாரே எங்கே போனார் என்றார் அதிகாரமாக. இதைக் கேட்டதும் தாம் வேவு பார்க்கப்படுகிறோம் என்று விஷ்ணுவிற்கு விளங்கியது. போலீஸ் இன்ஃபார்மர்களுக்கு இது புதிதில்லை என்றாலும், சாதாரண நேரங்களில் இப்படிச் செய்யமாட்டார்கள். எனவே ஏதோ பிரச்சனை இருக்கிறது என்று புரிந்து கொண்டான்.

கோகுலும் நானும் இங்கே பாருக்கு அடிக்கடி வருவோம். அவர் இப்பொ பார்லதான் இருக்கார். இந்த மீட்டிங் முடிந்தவுடன் நானும் போய் சேர்ந்து கொள்வேன், நான் ஏதோ ஒரு ரகசிய மீட்டிங்கிற்கு வர்ரேன்னு அவருக்குத் தெரியும், ஆனா உங்களை மீட் பண்றேன்னு அவருக்கு தெரியாது சார் என்றான் விஷ்ணு.

ஐஜி ரத்னவேல் அவன் கண்களையே பார்த்தவண்ணம் இருந்தார். விஷ்ணு சொல்வதை நம்புகிறாரா இல்லையா என்று கணிக்க முடியாதபடி இருந்தார். விஷ்ணுவிடம் நேரடியாக S W H2 6F என்றால் என்ன, அதை ஏன் கோகுலுக்கு அனுப்பினாய் என்று கேட்டார். அதைக் கேட்டதும் விஷ்ணு திடுக்கிட்டான். இவருக்கு எப்படித் தெரிந்தது, அது அவனுக்கும் கோகுலுக்கும் மட்டுமே தெரிந்த ரகசியமல்லவா? இதைப் போய் கேட்கிறாரே என்று விஷ்ணு வார்த்தை வராமல் விக்கித்துப் போய் ஐஜியையே பார்த்துக் கொண்டிருந்தான்.

ரத்னவேல் எழுந்தார் திடீரென துப்பாக்கியை எடுத்து விஷ்ணுவின் நெற்றியில் வைத்தார். ஒழுங்காக உண்மையைச் சொல்லிவிடு… சங்கேத வார்த்தையை வைத்து நீயும் கோகுலும் என்ன என்ன செய்து கொண்டிருக்கிறீகள் என்று மிரட்டினார். அதற்கிடையில் கதைவை யாரோ பலமாகத் தட்டும் சத்தம் கேட்டது. ஐஜி துப்பாக்கியை உள்ளே வைத்துவிட்டு விஷ்ணுவை கதைவைத் திறக்கச் சொன்னார். அங்கே எஸ்.பி. கோகுல் நின்று கொண்டிருந்தார். இந்த நேரத்தில் ஏன் இங்கே வந்தீர்கள் என்று கோகுலை ஐஜி அதட்டினார். அதற்கு கோகுல், ஐஜி தங்களை ரகசியமாக கண்காணிப்பது தெரியுமென்றும், இந்தச் சந்திப்பில் விஷ்ணுவிற்கு ஆபத்து எதுவும் வந்துவிடக் கூடாது என்று வெளியே காத்துக் கொண்டிருந்ததாகவும் தெரிவித்தார். உடனே ஐஜி ரத்னவேல் பாய்ந்து விஷ்ணுவின் சட்டைக்குள் இருந்த பட்டன் மைக்கை அகற்றினார். அந்நேரம் பார்த்து ஐஜியின் செல்போன் அடித்தது, யாரென்று பார்த்தவர் விஷ்ணுவையும், எஸ்பி கோகுலையும் உடனே அறையைவிட்டு வெளியேறச் சொன்னார். செல்போனில் அழைத்தவர் சிஐடி எஸ்பி கனகராஜ்.

கனகராஜ் அதற்குள் விஷ்ணு, கோகுல் சம்பந்தமான அனைத்து உண்மைகளையும் கண்டுபிடித்து விட்டிருந்தார். எல்லாவற்றையும் கேட்ட ஐஜி திகைத்துப் போனார், மீதம் இருந்த பாகார்டியை அப்படியே ராவாக வாய்க்குள் சரித்துவிட்டு கீழே மயங்கிச் சாய்ந்தார்.

அது என்ன உண்மை என்று கேட்கிறீர்களா? எஸ்பி கோகுல் ஒரு கம்ப்யூட்டர் கேம் பிரியர். கொஞ்சம் கொஞ்சமாக ஆர்வம் அதிகமாகி வெறியராகி விட்டிருந்தார், வேலைக்கும் ஒழுங்காகச் செல்வதில்லை, குடும்பத்தையும் கவனிக்காமல் கம்ப்யூட்டர் கேமே கதி என்று மணிக்கணக்கில் கிடந்தார். புதிய கேம் டிவிடி ஒன்றை விஷ்ணுவிடம் ரொம்ப நாள் நச்சரித்து வாங்கி இருந்தார். கோகுலின் தந்தை இதைக் கேள்விப்பட்டு விஷ்ணுவை அழைத்து கடிந்தார். அதன்பின் கோகுல் கேம் இன்ஸ்டாலேசன் செய்ய ரிஜிஸ்ட்ரேசன் கோடு கேட்டவுடன் தவறான கோடை (S W H2 6F) அனுப்பிவிட்டு அதை கோகுலின் தந்தைக்கும் சொல்லி இருந்தார். அந்த இரு மெசேஜ்களையும் தான் ஐஜி ரத்னவேல் ட்ராக் செய்து விசாரித்துக் கொண்டிருந்திருக்கிறார். இப்போது சொல்லுங்கள் அவருக்கு மயக்கம் வருமா வராதா?

எப்பூடி..... நாங்களும் கதை விடுவோம்ல.....?

!

இது விமர்சனம் அல்ல....

2011-10-29T14:47:00.000+05:30

ஒரு கிராமத்துல வெட்டியா ஒரு ஹீரோ இருப்பாரு, அவருக்கு ஒரு தங்கச்சி இவங்க ரெண்டு பேரும் இஷ்டத்துக்கு லூட்டி அடிப்பாங்க. ஹீரோ சோத்துக்கு என்ன பண்றார்னு ஆரும் கேட்கப்படாது, அது தமிழ் சினிமா ஹீரோக்களுக்குன்னே உள்ள தனிச்சிறப்பு. அப்புறம் தங்கச்சிக்கு கல்யாணம் நிச்சயமான உடனே சென்னைக்கு வருவாரு(?)... அப்புறம் என்ன அநியாயத்தக் கண்டு பொங்க வேண்டியதுதான்......! என்ன இது எங்கேயோ கேள்விப்பட்ட மாதிரி இருக்கா? இது நம்ம டாகுடர் கடந்த 10 வருசமா நடிச்சிட்டு இருக்கற பெரும்பாலான படங்களோட ஒன்லைன் ஸ்டோரி. டாகுடர் மட்டுமில்ல ஒட்டு மொத்த தமிழ் சினிமாத்துறையும் நம்பி(?) இறங்கும் கதைக் களம் (!).

அந்த மாதிரி ஒரு ஒன்லைன் வெச்சுக்கிட்டு, ஒரு ஓப்பனிங் சாங், ரெண்டு குத்துப்பாட்டு, ரெண்டு டூயட் சாங், கொஞ்சம் காமெடி, கொஞ்சம் கிளாமர் (அதுவும் பாட்டுல மட்டும்தேன்...), 4-5 ஃபைட்டு.... அவ்வளவுதாங்க படம்... இதுல பெரிய காமெடி இந்த எழவெடுத்த கதைய ரீமேக் ரைட்ஸ் வேற வாங்கி படம் எடுக்குறாங்க. ஏன் சார் இந்தக் கதையத்தானே இவ்ளோ வருசமா இங்க பலபேரு எடுத்துட்டு இருக்கீங்க, அப்புறம் எதுக்கு சார் தெலுங்கு ரீமேக்னு சொல்லி அவிங்களுக்கு வேற சும்மா காசு கொடுக்கறீங்க?

இதுல ஒவ்வொரு வாட்டியும் இதுவரைக்கும் யாருமே எடுக்காத கதை, நடிக்காத கதைன்னு பில்டப்பு வேற... என்ன பண்றது இதையும் நம்பி ஏமாற நாட்ல நிறையப் பேரு இருக்காங்களே...? இவங்களுக்குள்ள போட்டி வேற, தறுதல மாசா தளபதி மாசான்னு..... நமக்கு எல்லாமே மாசுதான்.. (நன்றி: நா. மணிவண்ணன்) அவரு அவர் ரசிகர்களுக்காக படம் எடுப்பாரு, இவரு இவர் ரசிகர்களுக்காக படம் எடுப்பாரு..... ங்கொய்யால அப்புறம் எதுக்குய்யா தியேட்டர்ல படத்த ரிலீஸ் பண்றீங்க? மொத்தமா உங்க எல்லா ரசிகர்களையும் கூட்டிட்டு போயி அவங்களுக்கு மட்டும் படத்த போட்டுக்காட்ட வேண்டியதுதானே? சமீபத்துல தல நடிகர் ரசிகர் மன்றங்களையெல்லாம் கலைச்சி ஒரு நல்ல முன்மாதிரியை தொடங்கி வெச்சார். ஆனா எவனும் கண்டுக்கல, வழக்கம் போல கட்டவுட்டுக்கு பால் ஊத்தி தமிழனின் பெருமைய நிலைநாட்டிட்டாங்க. என்ன கொடும சார் இது?

சரி அத விடுங்க, இவங்க பண்ற அலம்பலை பார்த்து நேத்து வந்த நடிகர்லாம் ஓப்பனிங் சாங், பஞ்ச் டயலாக்கு, கேமராவ பார்த்து தத்துவம் பேசுறதுன்னு கொல்றானுங்களே அதுக்காகவாவது இதை ஒரு முடிவுக்கு கொண்டு வரனும்யா...! கையில கொஞ்சம் காசு (அதுவும் அப்பன் சம்பாரிச்சதா இருக்கும்) இருந்தா உடனே ஹீரோ. அப்புறம் அவருக்கும் ஒரு ஓப்பனிங் சாங், பஞ்ச் டயலாக்கு, வெளிநாட்ல டூயட் சாங் வைக்கனும். படம் ஓடுதோ இல்லியோ 50 நாள், 100 நாள்னு அவனுங்களே போஸ்டர் ஒட்டி ஊரை நாறடிப்பானுங்க... இதையெல்லாம் சகிச்சுட்டு வாழறதுக்கே ஒரு தனி விருது கொடுக்கனும்யா...!

உள்ளூர்ல சகிச்சுக்கிறதாவது பரவால்ல, வெளியூர்கள்ல இவனுகளால நம்மாளுக எப்படியெல்லாம் கேவலப்பட வேண்டியதா இருக்கு தெரியுமா? கட்டவுட்டுக்குப் பால் ஊத்துற பக்கிகளால ஒவ்வொருத்தனுக்கும் பதில் சொல்லி மாளலை. இங்க ஒருத்தன் சொல்றான், உங்க ஊர்ல வரவர ஹீரோக்கள் பவர் கூடிட்டே போகுதுப்பான்னு, ஏன்னு கேட்டா, உங்க ஹீரோக்கள் அடிச்சா வில்லன்கள் போய் விழுகுற தூரம் அதிகமாகிட்டே போவுதே அத வெச்சி சொன்னேன்கிறான்.... என்னத்த சொல்ல?

சினிமாவுல அர்ஜூன், விஜயகாந்த், சரத்குமார் வளர்த்து வந்த தேசபக்தி வியாபாரம் கொஞ்சம் தணிஞ்சு, இப்போ தமிழுணர்வு வியாபாரம் தொடங்கிடுச்சு. இப்ப கொஞ்ச காலமா எப்போதும் இல்லாத அளவுக்கு தமிழுணர்வு பொங்கி வழியுது. நமக்குக் கிடைத்த சினிமாக்காரர்கள்தான் திறமைசாலிகளாச்சே, விடுவாங்களா.... அதையும் காசாக்கிடுவாங்கள்ல.... இதோ முதல் போனி ஆரம்பிச்சிட்டாங்க, இன்னும் இத வெச்சி எத்தனை வரப்போகுதோ?

அப்புறம் நம்ம பதிவர்கள் மேட்டருக்கு வருவோம், இன்னிக்கு ஒரு ப்ளாக் வெச்சிக்கிட்டு சினிமா விமர்சனம் போடலேன்னா சங்கத்துல இருந்து தள்ளி வெச்சிடுவாங்க போல. இதுல யாரு முதல்ல விமர்சனம் போடுறதுன்னு போட்டி வேற கன்னாபின்னான்னு எகிறிப் போச்சு. கடந்த 4-5 நாளா வெறும் சினிமா விமர்சனமா படிச்சிட்டு இருக்கேன். ஆனா வந்த படங்கள்ல எது உண்மையிலேயே நல்லாருக்குன்னு புரியல. ஒருத்தர் படம் சூப்பர்னு சொல்றார், ஒருத்தர் படம் படுமொக்கைன்னு சொல்றார். ஒண்ணும் புரியலீங்கோ.

இந்தக் கொழப்படி போதாதுன்னு படம் பார்க்காமயே குத்துமதிப்பா விமர்சனம் எழுதுறாங்களோன்னு டவுட்டை கெளப்பிவிட்டுட்டார் ஒரு நண்பர். இனி விமர்சனம் எழுதுறவங்க படம் பார்த்த டிக்கட்டை ஸ்கேன் பண்ணி ப்ளாக்ல போடனும்னு ரூல்ஸ் கொண்டு வந்துடலாம். அதுவும் சொந்தக் காசுல டிக்கட் வாங்கி இருக்கனும். (ஓசில பர்த்தா விமர்சனம் எழுதத் தகுதி கிடையாதுன்னு ரூல்ஸ் இருக்காமே.... எங்கேயோ படிச்சேன்...)

சரி எங்கேயோ ஆரம்பிச்சு எங்கேயோ வந்துடுச்சு. இதுக்கு மேல எழுதுனா அப்புறம் கெடா வெட்டி பொங்க வெச்சுடுவாங்க.... அதுனால நான்அப்படியே அப்பீட் ஆகிக்கிறேன்...!

படங்களுக்கு நன்றி கூகிள் இமேஜஸ்!

சைடுவாங்கிய சிந்தனை உண்டா உங்களிடம்...?

2011-10-24T10:39:00.001+05:30

பெரும்பாலான புதிர்கேள்விகள் நேரடியாக அல்லது மறைமுகமாக விடைகளைக் கொண்டிருக்கும். ஆனால் சிலவகையான புதிர்களுக்கு லேட்டரல் திங்கிங் எனப்படும் சைடுவாங்கிய சிந்தனை தேவைப்படுகிறது. இத்தகைய புதிர்களுக்கு இதுதான் விடை என்று கிடையாது. சரியாக எது பொருந்தினாலும் அது விடையே. எனக்கு மெயிலில் வந்த அதுபோன்ற சில புதிர்களை இங்கே பகிர்ந்து கொள்கிறேன். அவரவருக்குத் தோன்றும் விடைகளை முயற்சி செய்யலாம்.

1. ஒருவர் உயரமான கட்டிடம் ஒன்றில் வசிக்கிறார். தினமும் லிஃப்டில் கீழே சென்று வேலைக்கு செல்வார். திரும்ப வரும் போது பாதி வரை லிஃப்டில் வந்து பின்னர் படியேறிச் செல்வார். ஆனால் மழைக்காலங்களில் மட்டும் லிஃப்டிலேயே மேலே செல்வார். ஏன்?

2. தந்தையும் மகனும் வண்டியில் செல்லும் போது விபத்து ஏற்பட்டு விடுகிறது. இருவரையும் ஆம்புலன்சில் எடுத்துச் சென்று மருத்துவமனையில் சேர்க்கிறார்கள். அப்போது மகனுக்கு ஆப்பரேசன் செய்ய வந்த டாக்டர் பார்த்துவிட்டு அய்யோ இது என் மகன் என்னால் ஆப்பரேசன் செய்யமுடியாது என்கிறார், இது எப்படி சாத்தியம்?

3. சாலைகளில் இருக்கும் பாதாளச் சாக்கடைகளுக்கான மூடிகள் (manholes) வட்டமாகவே வைக்கப்படுகின்றன. ஏன்?

4. ஒரு விருந்தில் கலந்து கொண்டவர் சீக்கிரம் திரும்ப வேண்டும் என்று உடனேயே விருந்தும் மதுவும் அருந்திவிட்டு சென்றுவிடுகிறார். மற்றவர்கள் ~~விருந்துண்ட பின்னர்~~ தாமதமாக மது அருந்துகிறார்கள், ஆனால் தாமதமாக மது அருந்தியவர்கள் அனைவரும் கடுமையான விஷம் ஏறி உடல்நிலை பாதிக்கப்படுகிறார்கள். அனைவரும் அதே உணவு/மது அருந்தியும் முதலில் குடித்துவிட்டுச் சென்றவனுக்கு மட்டும் எந்த பாதிப்புமில்லை, ஏன்?

5. ஒரு பெண்ணின் இருமகன்கள் ஒரே நாளில், அதே மாதம், அதே வருடம் பிறந்தவர்கள் ஆனால் அவர்கள் இரட்டையர்கள் இல்லை, எப்படி?

6. ஒருவர் ஹோட்டலுக்குள் சென்று தண்ணீர் கேட்கிறார். அங்கே சர்வர் கத்தியைக் காட்டி மிரட்டுகிறார். அதைப்பார்த்த அவர் திகைத்துவிட்டு பின்னர் நன்றி சொல்லிவிட்டுச் செல்கிறார். இது எப்படி நடக்க முடியும்?

விடைகள் பின்னர் இதே பதிவில் பப்ளிஷ் செய்யப்படும். (ஒருவேளை எல்லாக் கேள்விகளுக்கும் சரியாக சொல்லிவிட்டால் கமெண்ட்டில் சரி என்று சொல்லப்படும்)

ஜஸ்ட் ரிலாக்ஸ்:
புதிர்களை எல்லாம் அப்புறம் உக்காந்து யோசிக்கலாம், மொதல்ல கொஞ்சம் ரிலாக்ஸ் ஆகிக்குங்க...... ஹி...ஹி....

இன்னொரு ரீமிக்ஸ்

இவரப் போயி நோகடிக்கிறீங்களே அதுவும் கரண்ட்டு பற்றாக்குறை இருக்கும் போது, இது நியாயமா?

இன்னும் கொஞ்சம் பவர்ஃபுல் சீனு.... (இது ஏற்கனவே போட்டதுதான்)

நன்றி: யுடியூப் மற்றும் வீடியோ ரீமிக்ஸ் அண்ட் அப்லோட் செய்த நண்பர்கள், 365greetings.com

!

என்னா மீட்டிங்கு.......

2011-10-06T15:29:00.001+05:30

இந்த மீட்டிங்கு இருக்கு பாருங்க மீட்டிங்கு..........அதாங்க நம்ம ஆப்பீசுகள்ல போடுவாய்ங்களே மீட்டிங்கு அதைத்தான் சொல்றேன்......ஆபீஸ்ல சில நாதாரிங்க சும்மாவே கலக்டர் மாதிரி பில்டப் கொடுத்திட்டிருப்பானுங்க, மீட்டிங் வேற வந்துட்டாபோதும் அவ்ளோதான் கெவர்னர் ரேஞ்சுக்கு ஆகிடுவானுங்க...... சம்பந்தமே இல்லாம கைய கால ஆட்டி பேசுறது, வானத்த வளைக்கிறேன், பூமிய சுத்த வெக்கிறேன்னு சலம்புறது. அவனுக மட்டும் இல்லேன்னா கம்பேனிய இன்னேரம் காக்கா தூக்கிட்டு போயிருக்கும்னு அலப்பறை பண்றதுன்னு நல்லா எண்டர்டெயின் பண்ணுவானுங்க. பாசும் எதையுமே கண்டுக்காம காப்பிய சப்பி சப்பி குடிச்சிக்கிட்டு ஜாலியா ஐபேடை நோண்டிக்கிட்டு இருப்பாரு.

சில நேரங்கள்ல பேச ஒரு எழவுமே இருக்காது ஆனா மீட்டிங் போட்ருவானுங்க.... எப்படியோ மீட்டிங்கு நடந்து முடியும். மினிட்ஸ் ஆஃப் மீட்டிங்குன்னு 15 பக்கத்துக்கு என்னத்தையோ அடிச்சிக்கிட்டும் வருவானுங்க. நாம இடைல போனா போவுதுன்னு ரெண்டே ரெண்டு வார்த்த பேசி இருப்போம், கரெக்ட்டா அதை மட்டும் விட்டுட்டு மினிட்ஸ் ரெடி பண்ணி இருப்பானுங்க. அப்புறம் அதை கரெக்ட் பண்றதுக்குள்ள அடுத்த மீட்டிங்கே வந்துடும்....

அப்புறம் பாருங்க, மீட்டிங்ல பார்த்து திடீர்னு சில பேருக்கு கொம்பு மொளச்சிக்கும். அதுக்கு முன்னாடி வரைக்கும் நம்ம கூட உக்காந்து ஓசி டீ அடிச்சிட்டு அண்ணே ஆபீஸ்லயே நீங்கதாண்ணே ரொம்ப நல்லவரு வல்லவருன்னு பிட்ட போட்டுக்கிட்டு இருப்பானுங்க. நாமலும் ஆஹா நமக்கும் ஒரு அல்லக்கை சிக்கிட்டான்டான்னு குளுந்து போய் மீட்டிங்குக்கு வருவோம். ங்கொக்காமக்கா மீட்டிங் தொடங்குனதும் அவனுக ஃபர்ஸ்ட் குறியே நாமளாத்தான் இருக்கும், இவருனாலதாங்க அந்த பஸ் ஓடலை, இந்த ரயில் ஓடலைன்னு பக்காவா மனப்பாடம் பண்ணி வெச்சி பிரிச்சி மேஞ்சி நம்மளை கப்பலேத்திருவாய்ங்க. அதுக்கு பதில் சொல்றதுக்குள்ள காலைல குடிச்ச கஞ்சியெல்லாம் காலியாகிடும்.......

சரி அத விடுங்க, ஆபீஸ்ல பாவம் போல இருப்பானுங்க சில பேரு, அவனுங்களும் மீட்டிங்குன்னு வந்துட்டா மட்டும் சலங்க கட்டி ஆடுவானுங்க... எங்கேருந்துதான் கெளம்புவானுங்களோ? ஒரு ஆட்டம் ஆடித்தான் நிப்பானுங்க. எல்லாம் முடிஞ்சதும் வழக்கம் போல மாட்டை தொழுவத்துல கட்டுன மாதிரி போய் உக்காந்துடுவானுங்க, இனி அடுத்த மீட்டிங் வரைக்கும் நம்மாளு கெணத்துல விழுந்த கல்லுதான்.......

இன்னும் சில பேரு இருப்பானுங்க, யாருன்னே யாருக்கும் தெரியாது. சும்மா வந்து உக்கார்ந்து எதையோ முறைச்சி பார்த்துட்டே இருப்பானுங்க, மேலேயும் கீழேயும் பாத்துட்டு என்னமோ பரிட்சை எழுதுற மாதிரி விறுவிறுப்பா எழுதுவானுங்க. காப்பி வந்ததும் காப்பி சாப்புடுவானுங்க, மீட்டிங் முடிஞ்சதும் அப்படியே எந்திரிச்சி போய்டுவானுங்க. எதுக்கு மீட்டிங் வந்தானுங்க, என்ன பண்றானுங்க எல்லாம் படு சீக்ரெட்டா இருக்கும்...... அது யாருன்னு கேட்கவே எல்லாரும் பயப்படுவானுங்க..

இப்படி எல்லாரும் என்னத்தையாவது பேசி முடிச்ச உடனே பாஸ் வாய தொறப்பாரு. ஏற்கனவே அவரு அவர் பாசோட பேசி எடுத்த எல்லா முடிவையும் வரிசையா சொல்லுவாரு, சொல்லிட்டு பெருமையா(?) ஒரு பார்வை வேற பார்ப்பாரு... ங்கொக்காமக்கா அதான் முடிவு பண்ணிட்டீங்கள்ல அப்புறம் என்ன கருமத்துக்குய்யா மீட்டிங்க கூட்டி ரணகளம் பண்றீங்க? பாஸ் சொன்னதைக் கேட்டது ஆடுனவன்லாம் பொட்டிப்பாம்பா அடங்கிருவானுங்க. எஸ்சார், அப்படியே பண்ணிடலாம் சார், முடிச்சிடலாம் சார்னு கோசம் போடுவானுங்க. தலைவரும் உடனே கேனத்தனமா ஒரு இளிப்பு இளிச்சிக்கிட்டே ஓகே, எனக்கு இன்னொரு அர்ஜெண்ட் மீட்டிங் இருக்கு, அப்புறம் பேசுவோம் அதுக்குள்ள எல்லாத்தையும் முடிச்சி வைங்கன்னு ஆர்டர் போட்டுட்டு நைசா எஸ்கேப் ஆகிடுவாரு.... நம்ம திரும்ப நம்ம சீட்டுக்கு வந்து என்ன செய்ய சொன்னாருன்னு அவர் வர்ர வரைக்கும் ஆராய்ச்சி பண்ணிட்டு இருக்க வேண்டியதுதான்.

முடியலடா சாமி, வாரா வாரம் மீட்டிங் போட்டுக் கொல்றாய்ங்க......... இந்தக் கருமத்தக் கண்டுப்புடிச்சவன் எவன்டா........ அவனுக்கு நான் எமன்டா.......

ஆபீஸ்ல நெஜமாவே மீட்டிங் தொல்ல தாங்க முடியலீங்கோ...... கொஞ்சம் நேரம் லைட்டா ப்ளாக் படிக்க கூட விடமாட்டேங்கிறானுங்கங்கோ....... நான் எஸ்கேப் ஆகிக்கிறேங்கோ....

நன்றி: கூகிள் இமேஜஸ், மற்றும் பட உரிமையாளர்கள்

எனது முதல் காப்பி பேஸ்ட் பதிவு...

2011-09-29T12:51:00.000+05:30

முன்னாடி எல்லாம் பிரபல பதிவர்கள்தான் பெரிய பெரிய பத்திரிக்கைல இருந்து காப்பி பேஸ்ட் பண்ணுவாங்க. இப்போத்தான் எல்லாம் மாறிப்போச்சே. நேற்று வந்த பதிவரில் இருந்து பழம் தின்று கொட்டை போட்ட பதிவர்கள் வரை காப்பி பேஸ்ட் போடுகிறார்கள். பெரிய பத்திரிக்கைல இருந்து காப்பி பண்ணதெல்லாம் போயி எங்கே என்ன கிடைக்குதோ சத்தமில்லாம அள்ளிட்டு வந்து போட்டுடுறாங்க. அதுக்கு வர்ர கமெண்ட்டுகள பார்க்கனுமே, அதுக்கே தனிக்கட்டுரை எழுதனும். ஆஹா அருமையான பகிர்வு, நல்ல பகிர்வு, உபயோகமான பகிர்வு நண்பா, சூப்பர் பகிர்வு பாஸ்... கேட்கவே அருமையா இருக்கில்ல? (அடிக்க வராதீங்கண்ணே, நானும் கூட அந்த மாதிரி அப்பாவியா கமெண்ட் போட்டிருக்கேன்....)

சரி அபடியே இந்த ட்ரெண்டை பிக்கப் பண்ணி நாமலும் எதையாவது காப்பி பேஸ்ட் பண்ணலாம்னா எதுவுமே சிக்க மாட்டேங்கிது. ஏது ஏது இப்படியே போனா அப்புறம் காப்பி பேஸ்ட் பண்ணலைன்னு திரட்டிகள்ல இருந்து கூட ஒதுக்கி வெச்சிடுவாங்களோன்னு எல்லாரும் பயமுறுத்துறாங்க. அதுனால விடிய விடிய நின்னுக்கிட்டே யோசிச்சு யோசிச்சு ஒருவழியா முடிவு பண்ணிட்டேன். மனசை திடப்படுத்திக்குங்க. இனி நானும் காப்பி பேஸ்ட் பதிவு போடப்போறேன். எப்படியும் ஒரு காப்பி பேஸ்ட் பதிவு போட்டே ஆகறதுன்னு களத்துல இறங்கி உங்களுக்காக ஒரு அருமையான காப்பி பேஸ்ட்டை இங்கே போட்டிருக்கேன்.

பாருங்க, புடிக்கலேன்னா சொல்லுங்க, நாளைக்கு வேற காப்பி பேஸ்ட் போடுறேன்.....

.
.

.
.
..

காப்பி

பேஸ்ட்

என்ன சார் இந்த காப்பி, பேஸ்ட் ஓகேதானே? இத வெச்சிக்கிட்டு எப்படியாவது எனக்கும் ஒரு ரேங் வாங்கிக் கொடுத்துடுங்க சார். அத வெச்சி அண்ணா நகர்ல இல்லேன்னாலும் அமிஞ்சிக்கரைலயாவது ஒரு ஃப்ளாட் வாங்கிடனும்.

நன்றி: காப்பி பேஸ்ட் பதிவர்கள், கூகிள் இமேஜஸ்...

சூடான தலைப்புகளும் ஐடியாக்களும் விற்பனைக்கு....

2011-09-26T16:01:00.000+05:30

அன்பார்ந்த வாலிப வயோதிக புதிய பதிவர்களே... நீங்க உடனே பிரபல பதிவர்கள் ஆகனுமா? நீங்க ஏற்கனவே பிரபல பதிவரா? உங்க பதிவுகள் சீக்கிரம் பிரபலமாகனுமா.... எங்க கிட்ட வாங்க......

பிரபல திரட்டிகள்ல எப்படி பதிவுகள் உடனே பிரபலமாகுதுன்னு பல மாசங்களா உக்காந்து ஆராய்ச்சி பண்ணி அதுக்கேத்த மாதிரி தலைப்புகள் செலக்ட் பண்ணி வெச்சிருக்கோம். தலைப்பை நியாயப்படுத்துற மாதிரி மேட்டரும் ரெடி பண்ணியாச்சு, அதுனால திரட்டிகள் கூட பதிவை நீக்க யோசிப்பாங்க. நீங்க தைரியமா எங்ககிட்ட தலைப்புகளை வாங்கி களத்துல இறங்கி அடிச்சு ஆடுங்க..!

இன்னிக்காவது அது நடக்குமா?

பிரபல பதிவராகவேண்டுமா? எங்களிடம் வாங்க.......!

தலைப்புகளை வாங்குங்க.... ஹிட்சை அள்ளுங்க.......

கீழ்காணும் பதிவுத் தலைப்புகள் (வித் ஃப்ரீ ஐடியா) விற்பனைக்கு:

1. தினமும் அது முக்கியமா?

இந்த தலைப்பைப் போட்டுட்டு சாப்பாடு, தண்ணி, டீ, காபின்னு எத பத்தி வேணா எழுதலாம். அவ்ளோ ஈசியான தலைப்பு. ஆனா பதிவு சூப்பர் ஹிட்டாகிடும் அது மட்டும் கன்பர்ம்.

2. அதை பிடிக்கவில்லையா?

கேரட் ரொம்ப சத்தான காய், ஆனா அதைப் பிடிக்கலேன்னா பீட் ரூட்டை பயன்படுத்துங்கன்னு நேக்கா பதிவை போட்டுட்டு சட்டுப்புட்டுன்னு பிரபலமாகிடலாம்.

3. பெண்களும் அதுக்காக காத்திருப்பார்களா?

இப்போ பெண்கள் துணிவாங்க போனா நாம காத்திருக்கிறோம், ஆனா நாம வாங்கப் போனா அவங்க காத்திருப்பாங்களா? எப்படி தலைப்புக்கு மேட்சா மேட்டர் ரெடியா? இத மட்டும் போட்டுப் பாருங்க, அப்புறம் நீங்க எங்கேயோ போய்டுவீங்க....

4. ஹன்சிக்காவை காதலிக்க மறுத்த பதிவர்

அந்த பிரபல பதிவர் ஹன்சிக்காவ காதலிக்க முடியாதுன்னுட்டார் ஏன்னா அவருக்கு அஞ்சலி மட்டும்தான் புடிக்குமாம்னு எழுதிடலாம். அப்புறம் ஹிட்ஸ் கொட்டோ கொட்டுன்னு கொட்டிடாது?

5. தமிழர்கள் செய்வது சரியா?

தமிழர்கள் எத்தனையோ அக்கிரமம் செய்றோம் கொஞ்சம் நஞ்சமா ஈசியா எதையாவது ஒண்ணை எடுத்துப் போட்டு ஒப்பேத்திடலாம், ரோட்ல எச்சி துப்புறது, ஒண்ணுக்கு போறது, பிட்டுப்பட போஸ்டர் பாத்துக்கிட்டே வண்டி ஓட்டறதுன்னு எதையாவது போட்டு சமாளிச்சிக்கலாம். இல்லேன்னா கொஞ்சம் காரமா அரசியலை தூவி விட்டு வெள்ளாடலாம். அப்படியே சீரியசா நாலு கமெண்ட் வரும், அதுக்கு பதில் சொல்லி இமேஜை டெவலப் பண்ணிக்கலாம்.

6. அணைப்பதற்கு அது வேண்டுமா?

இந்த தலைப்புக்கு லைட்டை அணைப்பதற்கு சுவிட்ச் வேணுமான்னு எழுதி ஜமாய்ச்சிடலாம்.

7. நடு இரவில் கதற கதற...

செம தலைப்புல்ல? நடு இரவுல கதற கதற மூட்டைப் பூச்சிய நசுக்குனேன்னு வெலாவாரியா நாலு பாராவுக்கு எழுதிட்டீங்கன்னா அப்புறம் பாருங்க ஹிட்சை.... சர்வரே பிச்சுக்கும்...........!

இதுல ஏதாவது ஒண்ணை செலக்ட் பண்ணி பதிவா போட்டீங்கன்னா நீங்களும் உங்க பதிவும் பிரபலமாகுவது கன்பர்ம். அப்படி பிரபலம் ஆகலேன்னா உடனடி பணம் வாபஸ்......!

உடனே உங்கள் தலைப்புகளுக்கு முன்பதிவு செய்து கொள்ளுங்கள்.... இன்னும் சில தலைப்புகளே மீதம் உள்ளது. அனைத்து தலைப்புகளையும் புக் செய்பவர்களுக்கு ஒரு ப்ளாக் இலவசம்.

அணுக வேண்டிய முகவரி:

சிர்ப்பு போலீஸ் ரமேஷ் - ரொம்ப நல்லவன் (சத்தியமா) வேறெங்கும் கிளைகள் கிடையாது....!

எச்சரிக்கை: பின் விளைவுகள் மோசமாக இருக்கலாம், இருந்தாலும் நிர்வாகம் பொறுப்பேற்காது...!

நன்றி: கூகிள் இமேஜஸ், நாகராஜசோழன் எம்.ஏ., வைகை, இம்சை அரசன் பாபு

அய்யா விளம்பரதாரர்களே.....

2011-09-23T16:50:00.000+05:30

இப்பல்லாம் டீவின்ன உடனே சீரியல்கள் ஞாபகத்துக்கு வருதோ இல்லியோ, விளம்பரங்கள் தான் ஞாபகத்துக்கு வருது. முன்னாடியெல்லாம் அரைமணிநேரத்துக்கு ஒரு தடவை நிகழ்ச்சி மாறும் போதுதான் விளம்பரம் போடுவாங்க. இப்போ கால்மணி நேரத்துக்கு ஒருவாட்டி வந்துடுது. அதுவும் விளம்பரத்துக்கு மட்டும் டபுள் சவுண்டு வேற வச்சு. இவனுங்க ஓவரா பண்றதால நல்ல வெளம்பரங்கள் கூட பாக்கறதுக்கு எரிச்சலா இருக்கு. அதுலயும் சில விளம்பரங்கள் பண்ற அக்கிரமம் இருக்கே, தாங்க முடிலப்பா. ஒரு முட்டாய சாப்புட்டா அடுத்தவன் பொண்டாட்டி ஓடிவருவான்னு ஒரு வெளம்பரம், ஒரு கிரீம் போட்டுட்டு போனா வேலை கெடைக்கும்னு ஒரு வெளம்பரம், அவங்க பானத்தை குடிச்சா புள்ளைங்க ஒசரமா வளர்ந்துடும்னு ஒரு வெளம்பரம்..... என்ன கருமாந்திரம் சார் இது?

அப்புறம் இந்த சன் பிக்சர்ஸ் போடுறது எல்லாம் வெளம்பரம்னு சொல்ற லிமிட்டை தாண்டிட்டதால அதை பத்தி எதுவும் சொல்றதுக்கில்லீங்கோ....

TMT கம்பிகள்

டீவி பார்க்கிற எல்லாருக்குமே கொஞ்சநாளாவே இந்த கம்பிக் கம்பேனிகள் பண்ற டார்ச்சர் பத்தி தெரிஞ்சிருக்கும். டிஎம்டி கம்பின்னா அது என்ன சோப்பா... இல்ல முட்டாயா... வெளம்பரத்த பாத்த உடனே கடைல போய் வாங்கிட்டு வர? ஒருவேள மக்கள் வெளம்பரத்த பாத்துட்டு அவங்க காண்ட்ராக்டர், எஞ்சினியர்கிட்ட எங்களுக்கு இந்த கம்பிதான் வேணும்னு அடம்பிடிக்கனும்னு எதிர்பார்க்கிறாய்ங்களா? ங்கொய்யால இந்த வெளம்பரத்துக்கு நமீதா வேற. சின்னப்பசங்க யாராவது எனக்கு அந்த டிஎம்டி கம்பி வாங்கித்தான்னு வீட்ல அடம்புடிக்காம இருந்தா சரி.

பனியன்ஸ்

அப்புறம் இந்த பனியன் போட்ட சனியன்கள் இருக்கானுகளே, அதாங்க பனியன் வெளம்பரங்களைத்தான் சொல்றேன். இவனுங்க பனியனை போட்டுக்கிட்டு ஒருத்தரு குதிப்பாராம், பிகரு அதை பாத்து செட் ஆகுமாம். ங்கொய்யால அந்தாளு ஜிம்மு போய் பாடிய கன்னாபின்னான்னு டெவலப் பண்ணி வெச்சிருப்பான், பிகரு அதை பாத்துட்டு செட்டாகுனா, இவனுக என்னமோ அந்த பனியனை பார்த்துட்டு பிகர் வந்த மாதிரியே பில்டப் கொடுப்பானுக.... அதவிடுங்க நல்ல வேள வெளம்பரத்த பாத்துட்டு இதுவரை எவனும் அந்த கம்பேனி பனியனை மட்டும் போட்டுக்கிட்டு பஸ்ஸ்டாப்ல போய் நிக்கல.....!

சோப்பு
ஒரு சோப்பு அதுவும் மூலிகை சோப்பாம், அது 10 ஸ்கின் ப்ராப்ளத்தை தடுக்குதாம். அதுனால புள்ளைங்க இஷ்டம் போல எங்க வேணா எதுல வேணா வெள்ளாடலாமாம். நானும் டெய்லி பார்க்கிறேன் ஒருநாள் கூட அந்த 10 ப்ராப்ளமும் என்னன்னு சொன்னதே இல்ல. அந்த சோப்பு யூஸ் பண்ணாதவங்களுக்கு அந்த 10 ஸ்கின் ப்ராப்ளம் வருமான்னு தெரியல. யாருக்காவது வந்துச்சுன்னா சொல்லுங்க சார், அப்பவாவது அது என்னென்னன்னு தெரிஞ்சுக்கிறேன்.

டூத்பேஸ்ட்
அந்த டூத்பேஸ்ட்ல பல்லுவெளக்கிட்டு போய் ”ப்பூ” னு ஊதுனா பிகர் செட்டாகிடுமாம். ஒருவேள அதுல வயாகரா மாதிரி சமாச்சாரம் எதுவும் கலக்குறானான்னு தெரியல. பின்ன எப்படி சார், பல்லுவெளக்கிட்டு போய் ஊதுனா பிகர் செட்டாகும்னா என்னத்த சொல்றது? நம்ம பசங்க பல பேரு பல்லே வெளக்காம ஏகப்பட்ட பிகரு வெச்சு மெயிண்டெயின் பண்றானுங்களே அது எப்பூடி?

சோப்பு, சேம்பு, க்ரீம், டூத்பேஸ்ட், பனியன், ஜட்டி, சாக்லேட்டு, மிட்டாய், ஷேவிங் ரேசர்.... இது எல்லாத்துக்கும் என்ன ஒற்றுமை தெரியுமா? இதுல எதை நீங்க யூஸ் பண்ணாலும் உங்களுக்கு உடனே பிகர் செட்டாகிடும். அதுனால கல்யாணமானவங்க எல்லாரும் ரொம்ப ஜாக்கிரதையா இந்த பொருள்களை யூஸ் பண்ணுங்க சார்!

பல்பொடி

இப்பல்லாம் பல்பொடி வெளம்பரங்கள் அதிகம் வர்ரதில்ல. பல்பொடி வெளம்பரம்னாலே பெரிய பயில்வான் தான் வருவாரு. பயில்வான்களுக்கும் பல்பொடிக்கும் அப்படி என்னய்யா சம்பந்தம்? நானும் எப்படியெல்லாமோ ரோசன பண்ணி பார்த்தும் ஒரு எழவும் புரியல. யாராவது வெளங்குனவங்க சொல்லுங்க சார்.

நகைக்கடைகள்

என்ன மாயம்னே தெரியல 2-3 வருசத்துல தமிழ்நாட்டுல மூலை முடுக்குலாம் பெரிய பெரிய நகைக்கடைகள் வந்துடுச்சு. அதுவும் எல்லாம் ஒரே மாதிரி பேர் வெச்சுக்கிட்டு (பங்காளிங்க போல....) தமிழ்நாட்டை குறிவெச்சு களத்துல இறங்கி இருக்காங்க போல. இப்படியே போனா இன்னும் கொஞ்ச நாள்ல தமிழ்நாட்ல டீக்கடைகளைவிட நகைக்கடைகள்தான் அதிகமா இருக்க போவுது. என்னமோ போங்க சார், தங்கம் விலைதான் கூடுதுதே தவிர வாங்குறது கொஞ்சங்கூட குறைஞ்ச மாதிரி தெரியல.

ஊர்ல யாரைக்கேட்டாலும் விலைவாசி கூடுது விலைவாசி கூடுதுன்னு பொலம்புறாங்க, கடைத்தெரு பக்கமா போய் பாத்தா அப்படி எதுவும் தெரியல. சூப்பர் மார்க்கெட்டுகள், எலக்ட்ரானிக் ஷோரூம்கள், ஜவுளிக்கடைகள் எங்கேயும் உள்ள நுழையவே முடியாத அளவுக்கு கூட்டமா இருக்கு. இது என்ன பொருளாதார சூழல்னு ஒரு எழவும் புரியல. ஒருவேள எல்லாரும் ரேசன் அரிசில கஞ்சி காய்ச்சி குடிச்சு வருமானத்த மிச்சம் புடிச்சி எஞ்சாய் பண்றாய்ங்களா..... என்னப்பா நடக்குது?

சரி ஒரு நல்ல வெளம்பரத்த பார்த்துட்டு ரிலாக்ஸ் ஆகுங்க.... (இது பாடகி ஷ்ரேயா கோசலோட முதல் வெளம்பரமாம்....)

நன்றி: கூகிள் இமேஜஸ் மற்றும் யூடியூப்!

ஒலக மகா அறிவாளிகள் ரமேசும் டெரர் பாண்டியனும்....

2011-09-21T17:02:00.000+05:30

இன்னிக்கு நம்ம வாசிப்ப கேட்டுட்டுத்தான் போகனும்ம்ம்.......

வழக்கம் போல சிங்கப்பூர் போரேன்னு பீலா விட்டுட்டு சிரிப்பு போலீஸ் ரமேஷ் ஏர்போர்ட்ல நின்னு பதட்டமா லேப்டாப்ப குடஞ்சுக்கிட்டு இருக்கார். வழியனுப்ப வந்த டெரர் பாண்டியன் அதை பாத்துட்டு...

டெரர் பாண்டியன்: டேய் இன்னேரத்துல என்னடா லேப்டாப்பு...? சீக்கிரம் உள்ள போடா கவுண்ட்டர் க்ளோஸ் பண்ணிட போறான்...

ரமேஷ் : உள்ள போய்ட்டுத்தான் வாரேன், லக்கேஜ் 1 கிலோ அதிகமா இருக்காம், உள்ள விட மாட்டரான்...

டெரர் பாண்டியன் : அதுக்கு லேப்டாப்ல என்னடா பண்றே?

ரமேஷ் : வெயிட் கம்மி பண்ணத்தாண்டா லேப்டாப்ல இருந்து எல்லாத்தையும் டெலிட் பண்ணிட்டு இருக்கேன்.....

டெரர் பாண்டியன் : %^*&%$%$#!!!!!!..................

******************************************************************************************************

டேமேஜர்: மிஸ்டர் பாண்டி, உடனே a + b = a க்கு ஒரு ப்ரோகிராம் எழுதனும், எவ்ளோ நேரத்துல ரெடி பண்ணுவீங்க?

டெரர் பாண்டியன் : எப்படியும் ஒரு வாரம் ஆகும் சார்....

டேமேஜர்: நோ நோ.... ஒருநாள்தான் டைம், உடனே முடிச்சு குடுங்க....
.
.
.

SweetQueen : Hi

டெரர் பாண்டியன் : Hi, ASL Pls......

SweetQueen : 21, F, France

டெரர் பாண்டியன் : Vow.. I like u......

SweetQueen : me too.......mmmmaaa........soooo sweeeet.......

டெரர் பாண்டியன் : tx..... pls send ur photo

SweetQueen : Hey I have a problem......

டெரர் பாண்டியன் : Oh.... tell me ya......

SweetQueen : I want a program for a + b = a urgently....

டெரர் பாண்டியன் : dont worry...... I will give u in 10 min
.
.
.
.

டேமேஜர் : மிஸ்டர் பாண்டி....கொடுங்க அந்த ப்ரோகிராமை......

டெரர் பாண்டியன் : சார் அது வந்து........

டேமேஜர்: யோவ் சும்மா கொடுய்யா... நான் தான் அந்த ஸ்வீட்குயீன்..

டெரர் பாண்டியன் : ????!!!????

******************************************************************************************************

இது டெரர் படிக்கிற காலத்துல நடந்தது

ரமேஷ் : ஏன்டா நேத்து டெஸ்ட்டுக்கு வரல?

டெரர் பாண்டியன் : டேய்ய்..... நீங்கதான்டா எவனுமே வரல............ காலைலேயே, பேட்டு, கிளவுசு எல்லாம் எடுத்துட்டு போய் எவ்ளோ நேரம் கிரவுண்ட்லேயே வெயிட் பண்ணேன் தெரியுமா? அம்பையர் வாத்தி கூட வரல....

டெரர் பாண்டியன் : அட நாதாரி. அது கிரிக்கெட் டெஸ்ட்டு இல்ல.. எக்சாம்டா...... ராஸ்கல்....

******************************************************************************************************

டெரர் பாண்டியன் : என்னடா நேத்து இண்டர்வியூ போனியே என்னாச்சு?

ரமேஷ் : ப்ச்.... ஊத்திடுச்சுடா...... விரட்டிவிட்டுட்டாங்க...

டெரர் பாண்டியன் : ஏன்டா........ இண்டர்வியூ நல்லதானே பண்ணே?

ரமேஷ் : இண்டெர்வியூலாம் சூப்பரா பண்ணேன் மச்சி..

டெரர் பாண்டியன் : அப்புறம் ஏன்..? சரி விடு... இண்டர்வியூல என்ன கேட்டாங்க?

ரமேஷ் : ஒரே ஒரு கேள்விதான்... கோழி ஃபர்ஸ்ட் வருமா முட்டை ஃபர்ஸ்ட் வருமான்னு கேட்டாங்க.....

டெரர் பாண்டியன் : நீ என்ன சொன்னே?

ரமேஷ் : எது ஃபர்ஸ்ட் ஆர்டர் பண்ணீங்களோ அதுதான் ஃபர்ஸ்ட் வரும்னு சொன்னேன்

டெரர் பாண்டியன் : ??!!??!!......

******************************************************************************************************

டெரர் பாண்டியனும் ரமேசும் ஆளுக்கொரு டெஸ்க்டாப் கம்ப்யூட்டர் வாங்குனாங்க. வண்டில வெக்கிறதுக்காக தூக்கிட்டு போனாங்க

டெரர் பாண்டியன் : என்னடா இத தூக்க இவ்ளோ கஷ்டப்படுற? பாரு நான் எவ்ளோ ஈசியா தூக்கிட்டு வாரேன்னு.....

ரமேஷ் : டேய்.... உன்து 250 GB, என்து 500 GB, அதான் எனக்கு தூக்க முடில...

டெரர் பாண்டியன் : போடாங்...................................

******************************************************************************************************

நம்ம ரமேஷ் புதுசாவாங்கிட்டு போன கம்ப்யூட்டர்ல ஒரு சின்ன ப்ராப்ளமாம்... உடனே கடைக்கு போய்ட்டார்.

ரமேஷ் : சார் இந்த கம்ப்யூட்டர்ல ஒரு முக்கியமான புரோகிராம் இல்ல.

சேல்ஸ்மேன்: உங்களுக்கு என்ன புரோகிராம் வேணும்?

ரமேஷ் : லெட்டர் டைப் பண்றதுக்கு ஒர் ப்ரோகிராம் வேணும்..

சேல்ஸ்மேன்: அதான் MS-WORD இருக்கே?

ரமேஷ் : அத வெச்சி எப்படி சார் லெட்டர் அடிக்க முடியும்? எனக்கு MS-Letter போட்டுக் கொடுங்க..

சேல்ஸ்மேன்: ??!!???

எனக்கு மட்டும் ஏன்யா இப்படி நடக்குது....?

நன்றி: கூகிள் இமேஜஸ்...!

டாகுடரின் நண்பன் படம்.... (இது விமர்சனமல்ல...!)

2011-09-19T13:16:00.000+05:30

நண்பன் படம் முடிவடையற கட்டத்த நெருங்கிடுச்சு. ஷங்கரும் நம்ம டாகுடரும் இணையற முதல் படம். ஒரு பெரிய டைரைக்டர் படத்துல டாகுடர் நடிக்கிறார்னு பயங்கர எதிர்பார்ப்பு. படம் எப்படி இருக்குமோ என்னவோன்னு எல்லாருக்கும் டென்சனோ டென்சன். நாம இருக்கும் போது உங்களுக்கு அந்த டென்சன் எதுக்குங்கறேன்?

வழக்கமா ஷங்கர் படத்துல அவர் என்னதான் ஒரே கதைய வெச்சு படம் எடுத்தாலும் என்னமோ யாருமே எடுக்காத கதைய எடுக்க போற மாதிரியே படம் ரிலீஸ் ஆகுற வரைக்கும் எல்லாத்தையும் படு சீக்ரெட்டா வெச்சி டார்ச்சர் பண்ணுவாய்ங்க. ஆனா இந்த வாட்டி ரீமேக் படங்கறதால அந்த கொடுமைல இருந்து தப்பிச்சிட்டோம். கதை மேட்டர் ஓகே, அடுத்து, ஷங்கர் ஒரு படத்த எப்படி எடுப்பார்னு நமக்கு தெரியும். டாகுடர் படங்கள் எப்படி இருக்கும்னும் தெரியும். சோ இப்ப படத்த நாமளே ரிலீஸ் பண்றோம்... ஓகேவா...?

ஓப்பனிங் சீன்...

காலேஜ் மொத நாள் வகுப்புகள் ஸ்டார்ட் ஆகுது. ஓப்பனிங் சீன்ல காலேஜ் கேட் 50 அடி உயர கேட்.. லோ ஆங்கிள்ல..... டாகுடர் ஒரே ஒரு நோட்புக்கோட வந்திட்டிருக்கார். ஷூவுல இருந்து நெருப்பு வந்து விழுகுது... கேட் பக்கத்துல வந்த உடனே கேட் தன்னால திறக்குது. வாட்ச்மேன் அப்படியே வாய பொளந்து சல்யூட் அடிக்கிறான். டாகுடர் அப்படியே அவர் ஸ்டைல்ல அவனுக்கு வணக்கம் வெச்சிட்டு அப்படியே வலதுகாலை உயரமா தூக்கி உள்ள வெச்சு போறார். பறவைகள்லாம் சிதறி ஓடுது. உடனே ஓப்பனிங் சாங்.

புளி உறுமுது புளி உறுமுது.....ன்னு போட்டு பின்னிப் பெடலெடுக்கிறார் டாகுடர்.

காலேஜ் உள்ள போன உடனேயே நேரா கேண்டீன் தான் இருக்கு. கேண்டீன்ல பாத்தா 100 டேபிள், 400 சேர் போட்டிருக்கு. சுவர் பூரா எல்சிடி டீவி, தரையெல்லாம் கண்ணாடி (ஷங்கர் படத்துல இது கூட இல்லேன்னா எப்படிங்க?)

அங்க ரெண்டு பேரு உக்காந்து கஞ்சா அடிச்சிட்டு இருக்கானுக. டாகுடரை பார்த்ததும் கூப்பிட்டு ராகிங் பண்றானுங்க. பாக்கெட்டுல இருந்து காசை புடுங்குறானுங்க... டாகுடர் மூணாவது அடி வாங்குனதும் சீறிப்பாய்ஞ்சு சண்டைய தொடங்குறார். சண்டைன்னா சண்ட செம சண்ட. எல்லா ஸ்டூடன்சும் சுத்தி நின்னு வேடிக்கை பாக்கிறாங்க. எல்லா டீவிகளும் உடைஞ்சதும் டாகுடர் காலேஜ் ட்ரெய்னேஜ், செப்டிக் டேங்க் எல்லாம் புல்லா சுத்தி சுத்தி சண்ட போட்டு அவனுகளை விரட்டுறார்.

சண்டை முடிஞ்சு அப்படியே மடிப்புக் கலையாம அவர் க்ளாசுக்கு போறார். அங்க சத்தியராஜ்தான் ப்ரொபசர். ஏம்பா ஃபர்ஸ்ட் நாளே இப்படி லேட்டான்னு கேக்குறார். அப்பவே டாகுடருக்கு அவரை புடிக்காம போயிடுது.

லேட்டா வந்தாலும் லேட்டஸ்ட்டா வருவாரு சூப்பர் ஸ்டாரு.... லேட்டா வந்தாலும் வேஸ்ட்டா வருவான் இந்த கில்லி ஸ்டாருன்னு புரொபசருக்கே பஞ்ச் வெக்கிறார். புரொபசரும் வேற வழியில்லாம டாகுடரை கிளாசுக்குள்ள விடுறார். பாத்தா எல்லா பெஞ்சும் புல் (பின்ன கடைசியா வந்தா?). ஒரு பெஞ்ச்ல ஸ்ரீகாந்தும் ஜீவாவும் இருக்காங்க, அங்க ஒரு இடம் காலியா இருக்கு.

டாகுடர் அவங்க ரெண்டு பேர் கூடவும் ஹாய் சொல்லி கை கொடுக்கிறார். அப்படியே ஃப்ரீஷ் பண்ணி கேமரா சுத்தோ சுத்துன்னு சுத்தி பாட்டுக்கு போய்டுது. மூணு பேரும் ஜாலியா பாட்டுபாடுறாங்க. ஒண்ணா அருவில குளிக்கிறாங்க. டவுசரை புடிச்சி இழுத்து வெள்ளாடுறாங்க. ஆம்லேட் போட்டு சாப்புடுறாங்க, காப்பி குடிக்கிறாங்க. பீச்ல சோளம் வாங்கி திங்கிறாங்க., உலகத்துலே யாருமே போகாத சிட்டிக்கு போய் கலர் கலரா ஆட்டம் போடுறாங்க....

சாங் முடிஞ்சதும் பாத்தா புரொபசர் க்ளாஸ்ல இவங்க மூணு பேரையும் முறைச்சு பாத்துட்டிருக்கார். உடனே டாகுடரை எழுப்பி பாடத்துல இருந்து கேள்வி கேட்கிறார். டாகுடருக்கு கோவம் வந்துடுது.

நாங்கள்லாம் நெனச்சா முடிப்போம்

முடிக்கிறதத்தான் நெனப்போம்....

டேய் இப்ப நீ எதுக்கு சம்பந்தமே இல்லாம உளறுரே?

மொத நாளாச்சேன்னு பாக்கிறேன்.. இல்லேன்னா...

இல்லேன்னா என்னடா பண்ணுவ?

எனக்குள்ள ஒரு போலீஸ்காரன் இருக்கான், அவன் உன்ன பாத்த உடனே முழிச்சிட்டான். இனி அவன்கிட்ட இருந்து நீ தப்பமுடியாது.....

கடுப்பான ப்ரொபசர் வெளிய விரட்டிவிடுறார். அதை பார்த்து ஒரு அம்மாஞ்சி பையன் (நம்ம சத்தியராஜ் சொந்தக்கார பையன் சத்தியன்தான்) கைத்தட்டுறான். வெளிய வந்தப்புறம் தான் தெரியுது அவர்தான் அந்த காலேஜ் பிரின்சிப்பால்னு. மூணு பேரும் காலேஜ் புல்தரைல படுத்துட்டு கவலையா யோசிக்கிறாங்க.

ஜீவா கேட்கிறார், மச்சி இப்ப என்னடா பண்றது, வந்த மொத நாளே பிரின்சிப்பாலை பகைச்சுக்கிட்டோமேன்னு, டாகுடருக்கு மறுக்கா கோபம் வந்துடுது, டேய் நான் ஒருதடவ சொல்லிட்டா அப்புறம் என் பேச்சை நானே கேட்கமாட்டேன்னு தெரியும்ல... அப்புறம் ஏன்டா அதையே பேசிட்டு இருக்கீங்கன்னு கொந்தளிக்கிறார்.

அப்போ அந்த வழியா பிரின்சிப்பால் பொண்ணு இலியானா (அது என்ன கருமாந்திர லாஜிக்கோ தெரியல, எல்லா படத்துலேயும் ஹிரோக்கள் வில்லனோட பொண்ணையோ தங்கச்சியவோதான் லவ் பண்ணி தொலைப்பானுங்க...) ஒய்யாரமா டாகுடரை பார்த்து சிரிச்சபடியே ஸ்டைலா நடந்து போகுது.டாகுடர் எந்திரிச்சு உக்காந்து ரசிக்கிறார். அப்போ ஜீவா ஓவரா பாக்காதே அது பிரின்சிப்பால் பொண்ணுன்னு எச்சரிக்கிறார். உடனே ஸ்ரீக்காந்து, டேய் நீ சும்மா இரு, மச்சி இந்த பொண்ணை நீ லவ் பண்றா, அத வெச்சே அந்த பிரின்சிப்பாலை பழிவாங்கிடலாம்னு சொல்றார். டாகுடருக்கு டவுட்டு, அது எப்படிடா நான் லவ் பண்றதுக்கும் பிரின்சிப்பாலை பழிவாங்கறதுக்கும் சம்பந்தம்னு கேட்கிறார். டேய் மச்சி உன்னையெல்லாம் லவ் பண்ணா அந்த பொண்ணு லைஃப் சீரழிஞ்சிடும்ல? அதுக்கு மேல என்ன வேணும்னு ஸ்ரீக்காந்த் கேட்கவும் டாகுடர் ரொமாண்ட்டிக் மூடுக்கு போறார்.

உடனே புளிச் பண்ண முடிய ஸ்டைலா கோதியபடி கெளம்பி போய் நேரா இலி முன்னாடி போய் நிக்கிறார். வாய்க்குள்ள கோலிக்குண்ட போட்டு கொதப்பிக்கிட்டு ஸ்டைலா ஒரு பார்வை பாக்கிறார். அதை பாத்த உடனேயே இலிக்கு பத்திக்கிது....... உடனே டூயட்டுக்கு ஓடிடுறாங்க. ஆப்புரிக்காவுல இருக்கும் தான்சானியா நாட்டுக்கு நடுவுல 5000 அடிக்கு கீழ இருக்கும் யாருமே பார்க்காத சுரங்கத்துக்குள்ள வெச்சு டூயட். பளிச்னு சூப்பரா. டாகுடர் கார்கோ பேண்டும், ஒரு டீஷர்ட்டும் போட்டுட்டு வந்து எங்கே ட்ரெஸ்சுக்கு வலிச்சிடுமோன்னு பயந்து பயந்து மெல்லமா ஆடுறார்.

பாட்டு முடிஞ்சதும் படம் படுசீரியசாகிடுது. (பின்ன படத்த முடிக்க வேணாமுங்களா?) டாகுடரும் இலியும் லவ்வுறதை சத்தியன் பாத்துடுறார். அவருக்கு இலி அவரை அவமானப்படுத்தியது நினைவுக்கு வருது. உடனே பிரின்சிப்பால் கிட்ட போட்டுக்கொடுக்கிறார். பெத்த பொண்ணு ஒரு உதவாக்கரை பயல லவ் பண்ணுதுன்னா எந்த அப்பன்தான்யா சும்மா இருப்பான்? பிரின்சிப்பால், நண்பர்கள் மூணுபேரையும் முடிச்சிக்கட்ட முடிவு பண்றார்.

அத தெரிஞ்சுக்கிட்ட டாகுடர் இலிய தூக்கிட்டு வந்துடுறார். பிரின்சிப்பால் பயங்கர கோபமாகி மூணு பேரையும் டிஸ்மிஸ் பண்ணிடுறார். காலேஜை விட்டு வெளிய வந்த ஸ்ரீக்காந்த் அப்படியே சைக்கிள் கம்பேனியில் நல்ல பொசிசனில் அமருகிறார். (அட உக்காருவதத்தான்யா சொல்றேன்...). ஜீவா அவருக்கு புடிச்ச ஹாபியான குட்டிச்சுவத்துல உக்காந்து அட்டு பிகர்களை சைட் அடிக்கும் வேலைக்கே போயிடுறார். நண்பர்கள் ஆசை, கனவு லட்சியம் எல்லாம் நிறைவேறுனதை பார்த்து டாகுடர் பெருமிதத்தோட கண்கலங்குறார்.

ஃப்ளாஷ் பேக் முடியுது. ஜீவாவும், ஸ்ரீக்காந்தும் கிருதாவுல சுண்ணாம்பு பூசிக்கிட்டு, ஆளுக்கொரு தடி கண்ணாடியும் போட்டுக்கிட்டு டாகுடரை தேடி வர்ராங்க. அவங்க கூட இப்போ தொழிலதிபர் ஆகிட்ட சத்தியனும் சேர்ந்துக்கிறார். உலகத்துலேயே ஒரு முக்கியமான தொழில் ஃபார்முலாவை கண்டுபுடிச்ச புளாசுளாக்கிங்கற சைன்டிஸ்ட்டை பாத்து ஒப்பந்தம் போடனும்னு அவருக்கு ப்ளான். அப்படியே டாகுடரையும் பார்த்து வாழ்க்கைல ஜெயிச்சிட்டேன்னு சொல்லிட்டு போய்டலாம்னு முடிவு பண்ணி போறாரு.

அங்க போய் பார்த்தாதான் தெரியுது அது டாகுடர் இல்லன்னு, நம்ம டாகுடர் நெஜமா ஒரு கிராமத்துல எரும மேய்ச்சிட்டு இருக்கறவர்னு தெரிஞ்சுக்கிறாங்க. அவரை உடனடியா போய் அவர் குடிசைலயே மீட் பண்றாங்க. தொழிலதிபர் சத்தியன், டாகுடர் தோத்துட்டதா ஒத்துக்கிட்டு கையெழுத்து போடனும்கறார். கையெழுத்துப் போடும்போதுதான் தெரிய வருது நம்ம டாகுடர்தான் அந்த சைன்டிஸ்ட் புளாசுளாக்கின்னு. அவரு கண்டுபுடிச்சதுதான் அந்த கள்ள நோட்டு அடிக்கிற ஃபார்முலா. சத்தியன் அங்கேயே கால்ல விழுந்து அந்த ஃபார்முலாவ வாங்கிட்டு போறாரு. நண்பர்கள் கண்ணீரோட நெகிழ்ச்சியா இதை பார்த்துட்டு நிக்கிறாங்க. அப்போ பின்னால குடிசைக்குள்ள இருந்து இலி வந்து வெக்கத்தோட டாகுடர் பக்கத்துல நிக்கிறாங்க...... அப்படியே எல்லாரும் சிரிக்கிறாங்க........ படமும் முடியுது.....

எப்பூடி... நம்ம டாகுடர் படத்த உங்க எல்லாரையும் பார்க்க வெச்சிட்டம்ல.............?

நன்றி: கூகிள் இமேஜஸ்...

!

பூமியைத் தேடி... தொடர்கதை..

2011-09-14T14:37:00.002+05:30

அறிவியல், குறிப்பா வானியல் சம்பந்தப்பட்ட விஷயங்களை படிப்பதிலும் விவாதிப்பதிலும் எனக்கு எப்பவுமே ஆர்வம் உண்டு. வானியலில் இன்னும் அவிழ்க்கப்படாத மர்மங்கள் ஏராளம். நம்மால் நினைத்துப் பார்க்கவே முடியாத பிரம்மாண்டங்களை வானவெளி தன்னில் கொண்டிருக்கிறது. இந்த அண்டவெளியில் பூமியும், மனிதனும் ஒரு தூசியின் அளவு கூட முக்கியத்துவம் இல்லாதவையாக தோன்றக் கூடிய மாபெரும் பிரம்மாண்டம் அது. எத்தனையோ பில்லியன் நட்சத்திரங்களும், கேலக்சிகளும், கருந்துளைகளும்.... மனிதனின் தொலைநோக்கு சக்தி அதிகரிக்க அதிகரிக்க அண்டவெளியின் முடிவிலா எல்லையை நோக்கி நம் பார்வை விரிவடைந்து கொண்டே போகிறது.

அதில் சில கற்பனைகளை சேர்த்து ஒரு கதையாக எழுத வேண்டும் என்ற ஆவல் ப்ளாக்கரில் நுழைந்த காலத்தில் இருந்தே இருந்து வந்தது. இப்போது அதை செயல்படுத்தி இருக்கிறேன். இந்தத் தொடரை டெரர் கும்மி ப்ளாக்கில் எழுதுகிறேன். இது Hunt for Hint என்ற புதிர் போட்டி நடத்தப்பட்டதே அந்த ப்ளாக்தான். லிங் கொடுத்திருக்கிறேன், ஆர்வமுள்ளவர்கள் சென்று படித்து, கருத்தும் கூறலாமே. இங்கே நம்ம கடையில் வழக்கம் போல் நகைச்சுவை, நக்கல் பதிவுகள் தொடரும்.

இந்த பதிவர்கள் தொல்ல தாங்க முடிலடா சாமி......

2011-09-10T10:58:00.002+05:30

வரவர தமிழ்மணம் பக்கம் போகவே பயமா இருக்கு சார். இப்போ வர்ர பதிவுகளோட தலைப்பெல்லாம் பாத்தா உடனே பதறிப்போய் ஓப்பன் பாக்கற மாதிரியே இருக்கு. உள்ள போய் பாத்தா சம்பந்தமே இல்லாம என்னென்னமோ மொக்கையா... என்னத்த சொல்ல? இப்படி எத்தன வாட்டிதான் பல்பு வாங்கறது? இதப் பாத்தா பஸ் ஸ்டாண்டு பொட்டிக்கடைகள்ல பேப்பர் தலைப்புகளை பாத்துட்டு பேப்பரை வாங்கி படிச்சு நொந்து போய் பேப்பர்ல பஜ்ஜிய கசக்கி தூக்கி போடுறதுதான் ஞாபகம் வருது. மொக்க போடவேண்டியதுதான், இங்க நிறைய பேரு அதான் பண்ணிட்டு இருக்கோம் அதுக்காக ஏன் சார் இப்படி தலைப்புலேயே கொல்றீங்க?

அப்புறம் இன்னொரு குரூப்பு இருக்கானுக, இவனுங்க ஈ-மெயில்லேயே கொல்வானுங்க...... அதுவும் 100- 200 பேருக்கு ஒண்ணா அனுப்புவானுங்க. முன்னபின்ன தெரியாத ஆளுகளுக்கு வரிசையா சரமாரியா எப்படித்தான் மெயில்ல இப்படி அதுவும் ப்ளாக் லிங்க போட்டு அனுப்புறானுங்களோ? டூ அட்ரஸ்லேயே 50-100 பேர் அட்ரசை போட்டு bcc கூட போடாம அப்படியே வேற அனுப்புறாங்க........ இதாவது பரவால்ல... சிலபேரு அதை அப்படியே செயினா மாத்தி வரிசையா ரிப்ளை டூ ஆல் போட்டு ஆளாளுக்கு என் பதிவுக்கு வாங்க என் பதிவுக்கு வாங்கன்னு மாத்தி மாத்தி அடிச்சி இன்பாக்சை கொத்து பரோட்டா பண்ணி வெச்சிடுறாங்க......

எல்லாத்தையும் விட ஹைலைட்டு, அதிலேயும் ஒருத்தரு எனக்கு யாரும் மெயில் பண்ணாதீங்கன்னு ரிப்ளை டூ ஆல் போட்டாரு பாருங்க....... ங்கொய்யால....... இதுல இன்னொருத்தரு நீ யார்ரா எனக்கு மெயில் பண்றதுக்கு, எப்படிரா என் மெயில் ஐடி உனக்கு கெடச்சதுன்னு ரிப்ளை டூ ஆல் போட்டு குமுறுறாரு........ எல்லா கன்றாவியையும் நானும் வேற படிச்சு.... என்ன கொடும சார் இது..............? நான் கூட ஆரம்பத்துல 2-3 மெயில்கள் ப்ளாக் லிங் வெச்சு அனுப்பி இருக்கேன், எல்லாம் bcc போட்டு, அதுவும் தெரிஞ்சவங்களுக்கு மட்டும். அப்புறம் அதுவும் சரி இல்லைன்னு விட்டுட்டேன்.

அடுத்து ஒரு குரூப்பு இருக்கு.... அவனுங்க வேலையே கமெண்ட்ல வந்து வெளம்பரம் போடுறது...... ஏன்யா ப்ளாக்கர நமக்கு ஃப்ரீயா கொடுத்த கூகிள்காரனே வெளம்பரத்துக்கு காசு கொடுக்கிறான், ஆனா நீங்க பாட்டுக்கு வந்து பதிவை படிக்கிறீங்களோ இல்லையோ ஒரு டெம்ப்ளேட் கமெண்ட்ட போட்டுட்டு ஓசில வெளம்பரம் வேற போட்டுக்கிறீங்க..... என்ன நியாயம் சார் இது? ஒரு சீரியஸ் பதிவு, பதிவர் ரொம்ப வருத்தமான ஒரு விஷயத்தை பத்தி எழுதி இருந்தார், அங்க ஒரு விளம்பரதாரர், பதிவு சூப்பர் அப்படியே என் பதிவுக்கு வாங்கன்னு கமெண்ட் போடுறார். இது எவ்வளவு அநாகரிகமா இருக்கு? வளரும் பதிவர்கள் வெளம்பரம் போடுங்க... வேணாம்னு சொல்லலை, ஆனா இடம் பொருள் பாத்து போடுங்க, பதிவை படிச்சு உங்க கருத்தை சொல்லிட்டு விளம்பரம் போடுங்க சார்.

இதெல்லாம் பரவால்ல சார், இன்னொன்னு இருக்கு சொல்ல வேணாம்னுதான் பாத்தேன் இருந்தாலும் சொல்லிடுறேன்....... கமெண்ட்ல கும்மியடிக்கிறோம்னு சொல்லிக்கிட்டு சில பேரு கமெண்ட் போடுறாங்க பாருங்க..... அத படிக்கறதுக்குள்ள கண்ணு, காது, மூக்கு, வாயி.... ஆல் ப்ளட் சார்.......... அப்படியே தலதெறிக்க ஓடவேண்டி இருக்கு......... நீங்க கும்மியடிங்க சார், அது உங்க கருத்துரிமை, சொத்துரிமை, மனித உரிமை... இன்னும் வேற என்னென்ன உரிமை இருக்கோ அதெல்லாம். ஆனா படிக்கறவங்கள பத்தியும் கொஞ்சம் நெனச்சுப்பாருங்க சார், சமயங்கள்ல கும்மி அடிக்கிறாங்களா, சீரியசா டிஸ்கஸ் பண்ணி இருக்காங்களான்னே தெரிய மாட்டேங்குது..... நீங்க பண்றது தப்புன்னு சொல்ல வரலை. ஆனா கமெண்ட்ஸ் எல்லாம் கொஞ்சம் சுவராசியமா, நகைச்சுவையா, கிண்டலா, நக்கலா..... ஜாலியா கலாய்ச்சு இருந்தா எப்படி இருக்கும்? ட்ரை பண்ணுங்க சார்.. ட்ரை பண்ணுங்க........!

என்னமோ போங்கப்பா, என்னால தாங்க முடியல.. அதான் சொல்லிட்டேன்.....

எச்சரிக்கை: இந்தப்பதிவு யாரையும் குறி வைத்து எழுதப்பட்டதல்ல (அப்படி குறிவெச்சு எழுத ஒருத்தர் ரெண்டு பேரா இருக்கீங்க...?). அதுனால படிச்சிட்டு அவன் என்ன கிள்ளி வெச்சிட்டான், இவன் கடிச்சி வெச்சிட்டான்னு யாராவது கெளம்புனீங்க... படுவா........ தொலச்சிபுடுவேன் தொலச்சி........!

இங்கே வாக்களிப்பது கட்டாயமல்ல...

நன்றி: கூகிள் இமேஜஸ், மற்றும் காப்பிரைட் ஓனர்கள்!

!

பதிவுலக மாமாமேதை சிரிப்பு போலீசின் சிதம்பர ரகசியங்கள்....

2011-08-26T15:41:00.002+05:30

பதிவுலகின் மாமாமேதை (நான் மாமேதைன்னா என்ன விட பெரியாளு மாமாமேதைதானே?) சிரிப்பு போலீஸ் ரமேஷ் அவர்களை புகழ்ந்து ஒரு வாழ்த்துப்பா பாடியவாறு தொடங்குகிறேன்.

பதிவுலகம் கண்ட மாமாமேதையே...

உன்னைச் சீண்டுபவர்களுக்கு நீ ஒரு தீப்பொறி திருமுகம்...

உன்னைத்தூண்டுபவர்களுக்கு நீ ஒரு கைப்புள்ள...

ஆணவக்காரர்களுக்கு நீ ஒரு அல்லக்கை...

அநியாயக்காரர்களுக்கு நீ கிரிகாலன்...

பிகர்களுக்கு நீ ஒரு சிரிப்பு காவலன்...

பதிவர்களுக்கு நீ ஒரு டெலக்ஸ் பாண்டியன்...

பாமரனுக்கு நீ ஒரு சூனா பானா...

நண்பர்களுக்கோ நீ செட்டப் செல்லப்பா...

இனி உன் கெட்டப்தான் என்னப்பா....?

****************

டெரர்பாண்டியன்: மச்சி இன்னிக்கு நைட்டு கரண்ட் போயிடுமாமே, என்ன பண்ணலாம்?

ரமேஷ்: அதுனால என்ன, மெழுகுவர்த்திய ஏத்தி வெச்சிட்டு டீவி பார்க்கலாம்.....

****************

ரமேஷ்: மச்சி லேப்டாப் வாங்கிட்டு அடுத்து துணிக்கடைக்கு போகனும், ஞாபகப்படுத்து....

டெரர்பாண்டியன்: ஏன்டா நேத்துதானே ட்ரெஸ் எடுத்த மறுபடியுமா?

ரமேஷ்: இல்லடா, லேப்டாப்ல விண்டோஸ்லாம் இருக்குமாமே, அதுக்கு கையோட நல்லதா ஒரு ஸ்க்ரீன் வாங்கி தெச்சி வெச்சிடலாம்னுதான்........

****************

வைகை: என்னடா ரொம்ப சோகமா இருக்கே?

ரமேஷ்: பாஸ் அவருக்கு ஒரு ஃபேக்ஸ் அனுப்ப சொன்னாரு, அனுப்புனேன், உடனே என் அப்ரைசலை கேன்சல் பண்ணிட்டாருடா...

வைகை: ஒருவேளை அந்த ஃபேக்ஸ் சரியாக போகலியோ என்னவோ?

ரமேஷ்: அப்படியெல்லாம் ஆக கூடாதுன்னுதான் அதுல ஒண்ணுக்கு ரெண்டா ஸ்டாம்பு வேற ஒட்டி அனுப்பிச்சேன்... அப்புறமும் என்ன பிரச்சனைன்னே புரியல.....

****************

எலேய்ய்.. அப்படியெல்லாம் குறுகுறுன்னு பாக்கப்படாது...

ரமேஷ்: டேய் என்னடா எல்லாரும் என்னமோ சொல்லிக்கிறாங்க?

இம்சை அரசன் பாபு: இன்னிக்கு ரக்‌ஷாபந்தனாம்யா.... அதான்......

ரமேஷ்: அப்படின்னா....?

இம்சை அரசன் பாபு: கைல ராக்கி கட்டுவாங்க....

ரமேஷ்: ராக்கி சாவந்த எதுக்கு போயி கைல கட்றாங்க?

****************

டெரர்பாண்டியன் : ஹேப்பி ஃப்ரண்ட்ஸ் டே மச்சி...

ரமேஷ் : ஹேப்பி சுறா டே மச்சி...... (எப்பூடி நாங்கள்லாம் யூத்துல?)

டெரர்பாண்டியன்: %^%^*^#*(*@(&$#$......!?!?!

ரமேஷ்: (ஓ... சுறா ப்ளாப் படம்ல, அதான் திட்டுறாம்போல, இப்ப பாரு..) ஹேப்பி காவலன் டே மச்சி...

டெரர்பாண்டியன்: &^%&*^&*^*(&*(%$%^###$#%^%^$%#.....!?!?

ரமேஷ்: சரியாத்தானே சொன்னேன், மறுக்கா எதுக்கு திட்டுறான்...........?

****************

டெரர் பாண்டியன்: டேய் டேய் ஏன்டா.. பில்லோவுக்கு கீழ சக்கரைய அள்ளி போடுற?

ரமேஷ்: என் கேர்ள்பிரண்டு இன்னிக்கு ஸ்வீட் ட்ரீம்ஸ்னு விஷ் பண்ணாடா, அதுக்குத்தான்.........

****************

ஒருவேள நம்மள வெச்சி காமெடி கீமெடி பண்ணி இருக்காய்ங்களோ?

சிஐடி வேலைக்கு இண்டர்வியூவுக்கு போனாரு சிரிப்பு போலீசு, அங்க

ஆபீசர்: காந்திய கொன்னது யாரு?

சிரிப்பு போலீசு: (ரொம்ப நேரமா யோசிச்சு பாத்துட்டு) சார், எனக்கு கொஞ்சம் டைம் கொடுங்க

ஆபீசர்: ஓகே, ஆனா ஒரு நாள்தான் டைம்....

உடனே சிரிப்பு போலீஸ் வெளிய வந்தார், அங்க டெரர் பாண்டியன் வெயிட் பண்ணிட்டு இருந்தார்.

டெரர்பாண்டியன்: என்னடா மச்சி இண்டர்வியூ என்னாச்சு?

சிரிப்பு போலீஸ்: கெடச்ச மாதிரிதான்டா, இப்பவே எனக்கு ஒரு கேஸ் கொடுத்துட்டாங்க மச்சி, காந்திய கொன்னது யாருன்னு கண்டுபுடிக்க சொல்லிட்டாங்க........

****************

சிரிப்பு போலீஸ் கார் டிரைவிங் கத்துக்கிட்டு இருந்தாரு, அப்போ ட்ரைனர் அவர்கிட்ட ஏதாவது சந்தேகம் இருந்தா கேளுங்கன்னார்.

அதுக்கு போலீசு,

முன்னால போறதுக்கு நாலு கியர் இருக்கு, ரிவர்சுக்கு மட்டும் ஒரே ஒரு கியர் இருக்கே, அப்போ எங்க போனாலும் திரும்ப வர்ரதுக்கு மட்டும் ரொம்ப டைமாகுமே என்ன பண்றது?

****************

சிரிப்பு போலீசுக்கு ஒரு பார்ட்டிக்கு இன்விட்டேசன் வந்தது, அதுல கருப்பு டை அணிந்து வரவேண்டும்னு போட்டிருந்தது.

பார்ட்டிக்கு போன போலீஸ் ரொம்ப ஆச்சர்யப்பட்டார். ஏன்னா மத்தவங்கள்லாம் டையோட பேண்ட், சர்ட்டும் போட்டிருந்தாங்க...!

எப்பூடி.... நாங்கள்லாம் தண்ணிலயே தயிரு எடுப்போம்ல....

நன்றி: கூகிள் இமேஜஸ், சில ஜோக்ஸ் மெயிலில் வந்தவையே

தமிழ்பதிவுலகின் மெகா புதிர் போட்டி இன்று தொடக்கம்...

2011-08-17T10:36:00.003+05:30

தமிழ்ப் பதிவுலகில் முதல் முறையாக ஒரு ஆன்லைன் புதிர்போட்டி நடத்த இருக்கிறோம். இது டெரர் கும்மி என்ற எங்கள் நண்பர்கள் குழுவினால் நடத்தபடுகிறது. தெரியாதவர்களுக்காகவும், புதியவர்களுக்காகவும் எங்கள் நண்பர்கள் குழு பத்தி கொஞ்சம் சொல்லிக் கொள்கிறேன். கிட்டத்தட்ட 2010-ன் மத்திய பகுதியில் பட்டாபட்டி, வெளியூர்காரன், மங்குனி அமைச்சர், சிரிப்பு போலீஸ் இவர்கள் பதிவுகளில் கமெண்ட்டுகளில் மட்டும் நட்பு பாராட்டி கும்மியடித்துக் கொண்டிருந்த எங்களை டெரர் பாண்டியன் ஒரு கூகிள் போரம் மூலமாக ஒன்றிணைத்தார். அந்த போரத்திற்கு டெரர் கும்மி என்று பெயர் வைக்கப்பட்டு பின்னர் மேலும் சில நண்பர்களைச் சேர்த்துக் கொண்டு வளர்ர்சியடைந்தது. பின்னர் அதற்கென்று ஒரு தனி ப்ளாக்கும் தொடங்கப்பட்டது. ப்ளாக்கிற்குச் சென்றால் எங்கள் குழுவில் இருக்கும் நண்பர்கள் அனைவரையும் பற்றித் தெரிந்து கொள்ளலாம்.

இப்படி போய்க் கொண்டிருக்கும் போது ஒருநாள் IIM, Indore நடத்திய க்ளூலெஸ் (KLUELESS) என்னும் புதிர்போட்டி பற்றிய ஒரு விவாதத்தின் போது அது போல ஒரு போட்டியை நாமும் நடத்தினால் என்ன என்று எண்ணம் வந்தது. உடனடியாக அதற்கு அனைத்து நண்பர்களின் ஏகோபித்த ஆதரவும் கிடைக்க திட்டம் செயல்படுத்தப்பட்டு இப்போது உங்கள் முன் ஹண்ட் ஃபாட் ஹிண்ட் (Hunt for Hint) என்ற புதிர் போட்டியாக பிரம்மாண்டமாக நிற்கிறது. இந்தக் கனவை நனவாக்க ராப்பகலாய் கோடிங் எழுதிய நண்பர்களின் கடின உழைப்பினை என்ன சொல்லி பாராட்டினாலும் தகும். இந்தப்போட்டியில் விளையாடும் போது நீங்களும் அதை புரிந்து கொள்வீர்கள்.

இந்த புதிர் போட்டியைப் பத்தி பலர் ஏற்கனவே எங்கள் நண்பர்கள் பதிவுகள்/பஸ்கள் மூலமா கேள்விப்பட்டிருப்பீங்க. ஒரு வெப் பக்கத்துல இருந்து அதில் இருக்கும் க்ளூவைக் கண்டு பிடித்து அடுத்த பக்கத்திற்கு போகனும். இந்த க்ளூக்கள் எப்படி வேண்டுமென்றாலும் இருக்கலாம், ஒரு படத்திற்குள்ளே ஒளித்து வைக்கப்பட்டிருக்கலாம். அல்லது பேஜ் சோர்ஸ், பேஜ் டைடில், URL நேம், இமேஜ் நேம் இப்படி எதிலாவது அந்தக் க்ளூ இருக்கும். அதைக் கண்டுபிடித்து கிளிக் செய்யவோ, அல்லது அதற்கான பாக்சிலோ அல்லது URL நேமை மாற்றவோ செய்தால் அது அடுத்த பக்கத்திற்குச் செல்லும், இப்படியே 25 லெவல்கள் வரை கொடுத்திருக்கிறோம்.

25-வது லெவலை அடையும் முதல் 5 நபர்களுக்கு பரிசுகள் காத்திருக்கின்றன.

இன்னிக்கு இந்த போட்டி ஆரம்பிச்சாச்சு. உடனே போய் உங்க பேரை பதிவு பண்ணி போட்டியில் கலந்துக்குங்க, கமான்.... சீக்கிரம்.... முதலில் போட்டியை முடிப்பவர்களுக்கே பரிசுகள்...! போட்டி பற்றிய மேலதிக விபரங்களுக்கு இங்கே பாருங்க. போட்டியில் கலந்து கொள்ள இங்க போங்க.

ரெடி.. ஸ்டார்ட்...... கோ...................

All the Best from Terror Kummi Friends to All Participants....!

நீங்க நல்லா இருக்கோனும் நாடு முன்னேற....

2011-08-06T13:44:00.001+05:30

என்னது மறுபடியும் பிரச்சாரமா.. ஆளை விடுமய்யா

இன்னும் பயிற்சி வேண்டுமோ?

ஒழுங்கா நடிச்சி நாலு காசு பாத்துட்டு இருந்தேன், உசுப்பேத்திவிட்டு இப்படி ரணகளமாக்கிட்டானுங்களே...?

போதும்யா போதும்.... நான் ஊர்ப்பக்கமா போய் வேற பொழப்ப பாக்கிறேன்....

இனி நம்ம பவர் ஸ்டார் ஸ்பெசல்....

நீங்க நல்லா இருக்கோனும் நாடு முன்னேற....

வானம் பொழிகிறது.... பூமி விளைகிறது.....

போங்க சார்.. அப்படி பாக்காதீங்க, எனக்கே வெக்கமா இருக்கு!

அர்விந்த் சாமி மாதிரி இருந்த என்ன இப்படி ஆக்கிட்டாங்களே....?

அதோ அங்க தெரியுது பாரு கோட்டை.. அதை புடிச்சிடனும்...

நன்றி: கூகிள் இமேஜஸ், சவுத் ட்ரீம்ஸ்

மூன்றை வைத்து பரவும் பதிவுலக வைரஸ்...

2011-07-21T12:51:00.000+05:30

ஓடு..ஓடு.. நிக்காம ஓடு.... வேலாயுதம் வருதாம்...!

எழுதுவதற்கு சரக்கு (?) கிடைக்காமல் திணறிக் கொண்டிருக்கும் காலகட்டத்தில் தொடர்பதிவிற்கு அழைத்து வழிகாட்டிய சேட்டைக்காரனுக்கு நன்றி தெரிவித்துக் கொள்கிறேன்.

1. விரும்பும் 3 விஷயங்கள்
அ. பீலா விடுதல்
ஆ. தண்ணி அடித்துவிட்டு டாகுடர் விஜய் படம் பார்ப்பது
இ. பஞ்சாயத்து பண்ணுதல்

2. விரும்பாத 3 விஷயங்கள்
அ. கையும் களவுமாக மாட்டுவதை
ஆ.பிட்டுப்படம் பார்ப்பது
இ. டெம்ப்ளேட் கமெண்ட்ஸ் & டெம்ப்ளேட் ரிப்ளைஸ்

3. பயப்படும் 3 விஷயங்கள்
அ. தனியாக உக்காந்து தண்ணியடிப்பவர்கள்
ஆ. அநியாயத்துக்கு நல்லவனாக இருப்பவர்கள்
இ. விடாத பெரும்பேச்சு (நான் ரொம்ப அப்பாவிங்க...!)

4. புரியாத 3 விஷயங்கள்
அ. தமிழ், ஆங்கிலம் தவிர மற்ற மொழிகள்
ஆ. அழகான பெண்கள் பேசுவது
இ. டிவி சீரியல்கள்

5. உங்கள் மேஜையில் இருக்கும் 3 பொருட்கள்
அ. மானிட்டர் (தண்ணி அல்ல)
ஆ. கீபோர்ட்
இ. மௌஸ்

6. உங்களை சிரிக்க வைக்கும் 3 விஷயங்கள்
அ. மிஸ்டர் பொதுஜனத்தின் பப்ளிசிட்டி அராஜங்கள்
ஆ. குறள் டீவி
இ. அப்பாடக்டர்ஸ் ஆஃப் டமில் சினிமா

7. இப்பொழுது செய்து கொண்டிருக்கும் 3 காரியங்கள்
அ. மூச்சு விடுகிறேன்
ஆ. மானிட்டரை பார்க்கிறேன்
இ. இதை டைப் பண்ணுகிறேன்

8. வாழ்நாள் முடிவதற்குள் செய்ய நினைக்கும் 3 காரியங்கள்
அ. ~~சொப்பன சுந்தரியை~~ அந்தக் காரை இப்போ யார் வெச்சிருக்காங்கன்னு கண்டுபுடிச்சிடனும்
ஆ. கேப்டனுக்கு நோபெல் பரிசு கொடுப்பதை பார்க்கனும்
இ. ஒரு நடிகையை பக்கத்துல பாத்துடனும் (பாக்க மட்டும்தானுங்க)

9. உங்களால் செய்து முடிக்க கூடிய 3 விஷயங்கள்
அ. சமைத்தல்
ஆ. ஆபீசிலும் வேலை செய்தல்
இ. பேப்பர் படித்தல்

10. கற்றுக்கொள்ள விரும்பும் 3 விஷயங்கள்
அ. பதிவு எழுத
ஆ. அல்லக்கைகளை வைத்து பராமரிக்க
இ. கடலை போட

11. பிடித்த 3 உணவு விஷயங்கள்
அ. பொன்னி அரிசிச் சோறு
ஆ. காரக்கொழம்பு
இ. மாம்பழம்

12. கேட்க விரும்பாத 3 விஷயங்கள்
அ. வெட்டி நியாயம்
ஆ. எஸ்.ஏ. சந்திரசேகர் பேட்டி
இ. புதுசா காதலிக்கிறவனின் புலம்பல்கள்

13. அடிக்கடி முணுமுணுக்கும் 3 பாடல்கள்
அ. புளி உறுமுது புளி உறுமுது..
ஆ. ராமா ராமா ராமா ராமன் கிட்ட வில்ல கேட்டேன்...
இ. ஏ.. வீராச்சாமி வீராச்சாமி...

14. பிடித்த 3 படங்கள்
அ. வில்லு
ஆ. வீராச்சாமி
இ. லத்திகா

15. இது இல்லாம வாழ முடியாதுன்னு சொல்ற 3 விஷயம்
அ. உயிர்
ஆ. உடம்பு
இ. உலகம்

16. இதை எழுத அழைக்கப்போகும் நபர் 3 பேர்
அ. சாம் ஆண்டர்சன்
ஆ. பவர் ஸ்டார் சீனிவாசன்
இ. டீ ஆர்

அது சும்மா காமெடிக்கு, மற்றபடி தொடர விருப்பமுள்ளவர் யாரும் தொடரலாம்.
!

தமிழ் சினிமா வீணாக்கிய வில்லன்ஸ்...

2011-07-18T10:35:00.000+05:30

தமிழ்சினிமா பல்வேறு துறைகளில் வெகுவேகமாக வளர்ச்சி நடை போட்டாலும், இன்னும் கைவிடமுடியாமல் இருக்கும் சில விஷயங்கள் காதல், வில்லன், சண்டை, ஹீரோயிசம்! அதில் வில்லன்களை வைத்துக் கொண்டு நம்மவர்கள் பண்ணும் அநியாயங்கள் இருக்கே, கொஞ்சம் தள்ளி நின்று பார்த்தால் அதைவிட வேறு காமெடியே தேவையில்ல.

ஒருகாலகட்டத்தில் வில்லன்களுக்கென்று தனி கெட்டப்புகள் இருந்தன. மொட்டைத்தலை, முரட்டு உடல்வாகு, கெடா மீசை, கோபமான முகம், குறுகுறுப்பான பார்வை, எகத்தாளச் சிரிப்பு, கர்ஜிக்கும் வசனங்கள் என்று அவர்கள் உலகமே வேறு. தற்போது வரும் வில்லன்கள் ஏதாவது ஒரு மேனரிசத்தை வைத்துக் கொள்ளுகிறார்கள். இப்படி வில்லன்கள் ஏகப்பட்ட சிறப்பம்சங்கள் வைத்திருந்தும், ஏன் பிரம்மாண்டமாய் ஆறு அடி உயரத்தில ஆஜானுபாகுவாய் இருந்தாலும், காய்ந்த கருவாடு மாதிரி இருக்கும் ஹீரோக்களிடம் உருண்டு உருண்டு அடிவாங்கித்தான் ஆகவேண்டும், வேறு வழி? ஹீரோக்கள் தோற்க முடியுமா?

அப்புறம் நம் வில்லன்கள் வைத்திருக்கும் ஆயுதங்கள் இருக்கே, அப்பல்லாம் இவர்களுக்கு விதவிதமான ஆயுதங்கள் செய்வதற்கென்றே நிறையத் தொழிற்சாலைகள் இருந்திருக்கும் போல. 90-களில் வந்த படங்களை பார்த்தால் தெரியும். வளையம் வளையமாய் கத்திகள், முள் வைத்த தயிர் கடையும் மத்து, ட்ரில்லிங் மிசின் போல் சுத்தும் கத்தி, முள் வைத்த ஜல்லிக் கரண்டிகள் என்று ஏகப்பட்ட நவீன (?) ஆயுதங்களை வைத்து சண்டை போடுவார்கள், ஹீரோ வழக்கம் போல தெனாவெட்டாக வந்து கையால் அனைத்தையும் தூக்கி போட்டுவிட்டு மடிப்பு கலையாமல் செல்வார்.

80-களில் வந்த எல்லாப்படத்துலேயும் இந்தக் காட்சி தவறாம இருக்கும், வில்லன் தன் பரிவாரங்களுடன் யாரும் எளிதில் அணுக முடியாத இடத்தில் இருப்பார். அங்கே சென்று வில்லன்களை ஒழிக்க திட்டமிடும் ஹீரோ, கதாநாயகி அல்லது கவர்ச்சி நாயகியின் உதவியோடு கூத்தாடிகளை போல வேசம் போட்டுக் கொண்டு வில்லனின் கோட்டைக்குள் நுழைந்து கவர்ச்சி ஆட்டம் போடுவார். அதுவும் நம்ம ஹீரோ மாறுவேசம்னு சொல்லிக்கிட்டு ஒரு தடித்த மீசையும், மருவும் வெச்சுக்கிட்டு வருவாரு பாருங்க, அது ஹீரோ, ஹீரோயின்தான்னு தியேட்டரில் இருக்கும் எல்கேஜி பையனுக்கு கூட விளங்கும், ஆனா உள்ளூர் மற்றும் சர்வதேச போலீசிற்கு தண்ணி காட்டிட்டு கள்ளக் கடத்தல்களில் ஈடுபடும் வில்லன்கள் ஒருத்தனுக்கும் தெரியாதாம். பாவம்யா வில்லனுங்க, இவ்வளவு கேவலமாவா காட்டறது? இது ஏதோ ஒரு படத்தில் எடுத்திருந்தால்கூட பரவாயில்லை, டைரக்டர் யோசிக்க (?) டைம் இல்லாம எடுத்துட்டாருன்னு விட்ரலாம், ஆனா எத்தனை படங்களில் இதே காட்சிய வெச்சி டார்ச்சர் பண்ணாய்ங்க தெரியுமா?

அப்புறம் வில்லன்கள் கூட்டத்தில் ஒரு கவர்ச்சி நடிகையும் இருப்பார். அவர் எப்போதும் முக்கிய வில்லனுக்கு செட்டப்பாகவே வருவார். ஆனா அடிக்கடி கெட்ட ஆட்டம் போட்டு எல்லாருக்கும் கவர்ச்சி விருந்து வைப்பார். கடைசியில் திடீரென்று காரணமே இல்லாமல் ஹீரோ மீதோ ஹீரோயின் மீதோ இரக்கபட்டு வில்லனுக்கெதிராக அவர்களுக்கு உதவிசெய்து பெருமையுடன் வில்லன் கையால் உயிரை விடுவார். நாமும் கிளைமாக்ஸ் சுவராசியத்தில் பெரிதாக கண்டுகொள்ளமாட்டோம்.

சிலபடங்களில் வில்லன்களுக்கு திடீரென்று ஒரு பெரிய விஐபியை போட்டுத்தள்ள வேண்டி வரும். உடனே அவர்கள், எத்தனை அல்லக்கைகளை வைத்திருந்தாலும், மும்பையில் இருந்து ஒரு விஷேசமான கொலையாளியை வரவழைப்பார்கள் (அந்த கேரக்டரையும் இதுவரை ஒரே நடிகர்தான் பெரும்பாலான படங்களில் பண்ணி இருக்கிறார்). அவர் மெயின் வில்லனை பார்த்து ஸ்பாட் கேஷ் பேமெண்ட் வாங்கிக் கொண்டு, முடித்துக் காட்டுகிறேன் என்று சவால் வேறு விட்டுவிட்டு வேலையை தொடங்குவார். அந்த விஐபி வரும் வழியில் ஒரு கட்டிடத்தில் ஏறி தன் அதிநவீன(?) ஆயுதங்களை பொறுத்தி வெகுநேரமாக ஜூம் பண்ணிக் குறிபார்த்துக் கொண்டே காத்திருப்பார். ஆனால் பாவம் என்ன பண்றது, நம்ம ஹீரோவுக்கு இதெல்லாம் ஒரு விஷயமா? ரொம்பக் கேசுவலாக வந்து விஐபியை காப்பாற்றி விடுவார்.

சில சண்டைக்காட்சிகளில் ஹீரோவும் சைடு வில்லனும் ஆக்ரோசமாக சண்டை போட்டுக்கொண்டிருப்பார்கள், சுற்றி நிற்கும் வில்லனின் அல்லக்கைகள் எதிரி மாட்டிக் கொண்டான் என்று எல்லாரும் சேர்ந்து போட்டுத்தள்ளுவார்களா, அதைவிட்டுவிட்டு ஏதோ மெரினா பீச்சில் மீன் பொறிப்பதை எச்சி ஒழுக வேடிக்கை பார்ப்பது போல் பார்த்துக் கொண்டு நிற்பார்கள். இதாவது பரவாயில்லை, அல்லக்கைள் எல்லாரும் சேர்ந்து ஹீரோவை அடிக்கும் போது எத்தனை பேர் இருந்தாலும் எல்லாரும் ஒன்றாக போய் அடிக்க மாட்டார்கள். சொல்லி வெச்ச மாதிரி கியூவில் நின்று ஒவ்வொருத்தனாகத்தான் போய் அடிப்பார்கள். ஹீரோ ஒருத்தனை அடித்து முடித்துவிட்டு அடுத்தவனுக்கு வெயிட் பண்ணுவார். போய் வரிசையாக அடிவாங்கி சரிவார்கள். ஆனால் பாருங்க கம்பி, உருட்டுக்கட்டைனு எக்குத்தப்பா அடிவாங்கினாலும் திரும்ப திரும்ப ஹீரோவிடம் வந்து அடிவாங்கி கதறியபடி பறந்து சென்று விழுவார்கள். கொடுத்த காசிற்கு என்ன ஒரு விசுவாசம் பார்த்தீர்களா?

வில்லன்களிடம் ஏகப்பட்ட நவீன மெசின்கன்கள் இருக்கும், ஹீரோவைக் குறிவெச்சு சகட்டுமேனிக்கு சுட்டுத்தள்ளுவார்கள், ஆனால் ஹீரோ தரையில் சாவகாசமாக உருண்டபடியே தப்பிப்பார். ஆனால் அவர் சின்ன துப்பாக்கி ஒன்றை வைத்துக்கொண்டு தெனாவெட்டாக சுடுவார், எங்கோ ஒளிந்திருக்கும் ஒரு அல்லக்கை செத்து விழுவான். ஹீரோ தன்னிடம் துப்பாகி இருந்தாலும், வெறும் கையாலேயே (?) பலரை போட்டுத் தள்ளிவிட்டு கடைசியில் மெயின் வில்லனிடம் வந்து சேர்வார். தமிழ் சினிமாக்களில் இதுவும் ஒரு எழுதப்படாத சட்டம். வில்லனிடம் எத்தனை அல்லக்கைகள் இருந்தாலும், ஹீரோவும் வில்லனும் நேருக்கு நேர் மோதாமல் படம் முடியாது. அதுவும் அவர்கள் நேருக்கு நேர் மோதுகின்றார்கள் என்றால் கையால்தான் சண்டை போடுவார்கள். அதுவரை வைத்திருந்த ஆயுதங்கள் எங்கே போகும் என்றே தெரியாது. இருவரும் கட்டிப்புரண்டு சண்டை போட்டு தங்கள் பலத்தை காண்பிப்பார்கள். அதுவரை அடியே வாங்காமல் இருக்கும் ஹீரோவும் ஓரிரண்டு அடிகள் வாங்குவார். இரத்தம் கூட வரும்.

பழைய படங்களில் பெரும்பாலும் கிளைமாக்சில் சண்டை முடிந்தவுடன் போலீஸ் வந்து யூ ஆர் அண்டர் அரெஸ்ட் மிஸ்டர் கந்தசாமி என்பார்கள். இடைக்கால, மற்றும் தற்கால படங்களில் சண்டை முடிந்து ஹீரோ வில்லனை கொல்ல முயன்றுவிட்டு வேண்டாம் என்று ஆயுதத்தை கீழே அதுவும் வில்லனுக்கு கைக்கெட்டும் தூரத்தில் விட்டுச் செல்வார். உடனே வில்லன் அதை எடுத்துக் கொண்டு ஹீரோவைக் கொல்ல ஓடிவருவார். இந்த இடத்தில் ஏதாவது செகண்ட் ஹீரோயின் என ஏதாவது கேரக்டர் இருந்தால் அதை ஹீரோவை காப்பாற்ற வைத்து பலி கொடுத்துவிடுவார்கள். இல்லையென்றால், வில்லனை ஹீரோவே தடுத்து நிறுத்தி மிக நீண்ட வசனம் ஒன்று பேசுவார். அந்த நொடிவரை ஆயிரத்தெட்டு அடிவாங்கியும் திருந்தாமல் இருக்கும் வில்லன், இந்த வசனத்தை கேட்டதும் உடனே ஹீரோவை கையெடுத்துக் கும்பிட்டபடி கண்ணீரோடு திருந்தி நிற்பான். படமும் முடியும், மக்களும் கண்ணீரோடு தியேட்டரில் இருந்து எந்திரிப்பார்கள். இதற்கு அந்த வசனத்தை படம் ஆரம்பிக்கும் போதே பேசித் தொலைத்து இருந்தால், இத்தனை பிரச்சனைகள் வந்திருக்காது, நாமும் நிம்மதியாக வீட்டிலேயே இருந்திருப்போம்.... இல்லையா?

(கொஞ்சம் வேற மாதிரியா ட்ரை பண்ணேன், ஆனா நீண்ட.... பதிவா போச்சு... !)

நன்றி: திண்டுக்கல் ஐ. லியோனியின் பட்டிமன்ற பேச்சுக்கள் மற்றும் சினிமா எக்ஸ்பிரஸ் கட்டுரை இப்பதிவிற்கு உதவியாக இருந்தன.
!